Actualitats
Cahuzac condemnat a tres ans de preson ferma
Se conclutz quatre ans puèi lo procès per frauda fiscala e blanquiment contra lo politician occitan, èx-ministre del budget de França e èx-primièr cònsol de Vilanuèva d’Òlt
Lo tribunal correccional de París condemnèt ièr dijòus Jérôme Cahuzac a tres ans de person ferma, sens amainatjament de pena e sens mandat de depaus, per frauda fiscala e blanquiment. Lo politician bordalés de 64 ans, èx-primièr cònsol de Vilanuèva d’Òlt (Naut Agenés) e èx-ministre del budget de França clava ara, amb aquela condemna, un escàndol de quatre ans qu’a tocat la presidéncia d’Hollande, e mai se foguèt expulsat del govèrn e del Partit Socialista. Son èx-femna, Patricia Cahuzac, es estada condemnada a dos ans de preson ferma.
De son costat, la banca soïssa Reyl es estada condemnada a una multa de 1,875 milion d’èuros per èsser estada “l’instrument de la dissimulacion dels avers” de Cahuzac. Lo banquièr François Rey l’an condemnat a un an de preson amb sosta e 370 000 èuros de multa. Pasmens, la banca a escapat de l’enebicion d’exercir tota activitat bancària dins l’estat francés, coma o demandava lo ministèri public.
De comptes bancaris en Soïssa e en Singapor
Cahuzac comencèt son mandat de ministre del Budget en se promovent coma l’enemic de l’evasion fiscala que i a dins l’estat francés, e dins aquel sens declarèt al jornal Libération que sa volontat èra de “refortir l’arsenal legislatiu contra la frauda e l’optimizacion fiscala”. Pasmens, a la fin de 2012, lo jornal numeric Mediapart l’acusèt d’aver amagat una part de son argent en Soïssa pendent vint ans. Lo ministre denoncièt Mediapart per difamacion.
Segon las informacions del jornal numeric, Cahuzac dobriguèt a la fin dels ans 1980 un compte a la banca UBS de Genèva, que jamai declarèt pas al fisc francés qu’anava dirigir. Aquel compte foguèt dobèrt fins en 2010, en coïncidissent amb sa nominacion coma president de la comission de las finanças de l’Assemblada Nacionala. Ça que la, l’argent tornèt pas a l’estat francés mas se n’anèt a Singapor, lo paradís fiscal ont lo secret bancari aparava tanben aquel cirurgian plastic de profession, qu’es vengut ric amb una clinica parisenca especializada en implants capillars.
La venjança de Rémy Garnier
L’acusacion de Mediapart se basava sus un memorandum escrich per Rémy Garnier, un ancian inspector del Tresaur Public, qu’en 2008 daissèt escricha la situacion fiscala de Cahuzac. L’istòria entre Garnier e Cahuzac a un passat que fonda lo present. L’inspector metiá en examen en 1999 lo cas d’una entrepresa de Vilanuèva d’Òlt qu’aviá fraudat tres milions de francs.
En aquela epòca, Cahuzac èra un jove deputat per aquela circonscripcion e empediguèt Garnier de conclure aquela enquèsta. La venjança foguèt una consulta (illegala) del dorsièr fiscal del quite Cahuzac.
De son costat, Cahuzac declarèt a Mediapart: “Ai pas cap de compte en Soïssa e n’ai pas jamai agut”.
Un respondedor inoportun
Lo problèma per Cahuzac es que fa setze ans, diguèt una autra frasa que demorèt enregistrada per un respondedor que s’èra activat per error. L’aparelh enregistrèt tota la convèrsa. “Çò que m’embèstia es qu’ai encara en activitat lo compte a UBS, mas i a pas res, pas’rai?”, çò se pòt escotar dins l’enregistrament, qu’apond: “Me fa cagar d’aver un compte dobèrt ailà; l’UBS es pas brica la banca mai discreta”.
Lo ministèri public indiquèt que la votz d’aquel enregistrament èra probable la de Jérôme Cahuzac, e mai s’el o refusèt. En tot cas foguèt reconeguda per mai d’un testimòni.
Cahuzac es tanben acusat d’aver recebut d’argent de fonzes illegals de l’indústria farmaceutica quand exercissiá coma mètge.
Tocat per “los Papièrs de Panamà”
Cahuzac es tanben concernit per l’escandolàs dels “Papièrs de Panamà”. Cahuzac teniá un compte bancari ligat a una societat immatriculada a las Illas Seichèlas e administrada per d’autras societats offshore.
De son costat, la banca soïssa Reyl es estada condemnada a una multa de 1,875 milion d’èuros per èsser estada “l’instrument de la dissimulacion dels avers” de Cahuzac. Lo banquièr François Rey l’an condemnat a un an de preson amb sosta e 370 000 èuros de multa. Pasmens, la banca a escapat de l’enebicion d’exercir tota activitat bancària dins l’estat francés, coma o demandava lo ministèri public.
De comptes bancaris en Soïssa e en Singapor
Cahuzac comencèt son mandat de ministre del Budget en se promovent coma l’enemic de l’evasion fiscala que i a dins l’estat francés, e dins aquel sens declarèt al jornal Libération que sa volontat èra de “refortir l’arsenal legislatiu contra la frauda e l’optimizacion fiscala”. Pasmens, a la fin de 2012, lo jornal numeric Mediapart l’acusèt d’aver amagat una part de son argent en Soïssa pendent vint ans. Lo ministre denoncièt Mediapart per difamacion.
Segon las informacions del jornal numeric, Cahuzac dobriguèt a la fin dels ans 1980 un compte a la banca UBS de Genèva, que jamai declarèt pas al fisc francés qu’anava dirigir. Aquel compte foguèt dobèrt fins en 2010, en coïncidissent amb sa nominacion coma president de la comission de las finanças de l’Assemblada Nacionala. Ça que la, l’argent tornèt pas a l’estat francés mas se n’anèt a Singapor, lo paradís fiscal ont lo secret bancari aparava tanben aquel cirurgian plastic de profession, qu’es vengut ric amb una clinica parisenca especializada en implants capillars.
La venjança de Rémy Garnier
L’acusacion de Mediapart se basava sus un memorandum escrich per Rémy Garnier, un ancian inspector del Tresaur Public, qu’en 2008 daissèt escricha la situacion fiscala de Cahuzac. L’istòria entre Garnier e Cahuzac a un passat que fonda lo present. L’inspector metiá en examen en 1999 lo cas d’una entrepresa de Vilanuèva d’Òlt qu’aviá fraudat tres milions de francs.
En aquela epòca, Cahuzac èra un jove deputat per aquela circonscripcion e empediguèt Garnier de conclure aquela enquèsta. La venjança foguèt una consulta (illegala) del dorsièr fiscal del quite Cahuzac.
De son costat, Cahuzac declarèt a Mediapart: “Ai pas cap de compte en Soïssa e n’ai pas jamai agut”.
Un respondedor inoportun
Lo problèma per Cahuzac es que fa setze ans, diguèt una autra frasa que demorèt enregistrada per un respondedor que s’èra activat per error. L’aparelh enregistrèt tota la convèrsa. “Çò que m’embèstia es qu’ai encara en activitat lo compte a UBS, mas i a pas res, pas’rai?”, çò se pòt escotar dins l’enregistrament, qu’apond: “Me fa cagar d’aver un compte dobèrt ailà; l’UBS es pas brica la banca mai discreta”.
Lo ministèri public indiquèt que la votz d’aquel enregistrament èra probable la de Jérôme Cahuzac, e mai s’el o refusèt. En tot cas foguèt reconeguda per mai d’un testimòni.
Cahuzac es tanben acusat d’aver recebut d’argent de fonzes illegals de l’indústria farmaceutica quand exercissiá coma mètge.
Tocat per “los Papièrs de Panamà”
Cahuzac es tanben concernit per l’escandolàs dels “Papièrs de Panamà”. Cahuzac teniá un compte bancari ligat a una societat immatriculada a las Illas Seichèlas e administrada per d’autras societats offshore.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
" per aver estat ", non ! Per èsser estada, si-ben !
Ara cal esperar que s'aplique la meteissa auna a los d'en fàcia, los Balkani per exemple, que lo Cahuzac es un gafet a costat d'eles. Mas los jutges semblan pas preissats de privar Levallois-Perret de lor conse. Coma per fòrça autres de la banda de NS (qu'es pas Nòstre Sénher emai aguèsse temptat d'i arribar!). Finalament, Hollande fa çò que ditz -per un còp- sus la republica exemplara e n'i a que ne profeitan per l'embrutir. Te disi!
#1 A un rapòrt amb la chocrota ?
Levat lo fach qu'aimas pas los socialistas o lo mond d'esquèrra e que te sentisses aparentament mai d'afinitats amb la drecha extrèma, çò qu'es ton dret, vesi pas perqué comparas un a l'autre...
"E que s'apelerio Cahuzac".
es evident qu'ei la fauta de Menard, dau front nacionau e d'autres populistas se l'idealista socialista Cahuzac anarà mosir tres ans de temps sus la palha umida d'una gabiola de la republica ! e los que volon pas de l'emigracion incontrolada, qu'expuslèm lei sèhsa-papiers, que volèm pas d'una religion totalitària serem totjorn que mai tractats de xenofobs, d'islamofobs e d'eritiers de luenh dau führer germanic. E leis amics de Cahuzac donaràn de leiçons !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari