Actualitats
Nigèria: un trentenat de mòrts en un doble atemptat kamikaze dins un mercat
Per ara l'ataca es pas estada revendicada, e mai la region siá dins l’airal d’influéncia del grop jihadista Boko Haram
Almens un trentenat de personas mòrtas e gaireben un seissantenat de feridas: es lo tragic bilanç, encara provisòri, d’un doble atemptat kamikaze que se debanèt ièr de ser dins un mercat de Madagali, dins lo nòrd-èst de Nigèria.
“Las fòrças de seguretat an ja pres lo contraròtle de la zòna per evitar que los enemics menen a bon tèrme una autra ataca”, çò declarèt als mèdias un pòrtavotz militar.
Per ara l’atac es pas estada revendicada, e mai la region siá dins l’airal d’influéncia del grop jihadista Boko Haram, que dempuèi qualques annadas a demostrat qu’es capable dels procediments mai atròces.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari