capçalera biera tobiers

Actualitats

SocietatInternacional

Istambol: almens 38 mòrts dins un atemptat près de l’estadi de Beşiktaş

L’ataca poiriá èsser estada dirigida contra un autobús de la polícia antisusmautas turca, e la majoritat dels ferits serián de policièrs

Almens 38 personas mòrtas e aperaquí 150 de ferits es lo tragic bilanç d’un atemptat que se passèt ièr de ser a l’entorn del terren de fotbòl de Beşiktaş, a Istambol (Turquia). Doas veituras espetèron doas oras après la fin de la partida de fotbòl, çò rapòrta Reuters.
 
Segon la cadena NTV, l’ataca èra dirigida contra un autobús de la polícia antisusmautas turca, e la majoritat de las victimas serián de policièrs.
 
Lo president de Turquia, Recep Tayyip Erdoğan, que se trobava en aquel moment a Istambol, jonguèt los responsables de la seguretat e lo primièr ministre. De son costat, lo ministre dels espòrts, Akif Çağatay Kılıç, condemnèt l’atemptat suls rets socials. “Condemni aquela ataca terrorista a Istambol. Los qu’atacan l’unitat e la solidaritat de nòstra nacion ganharàn pas jamai”, çò fiulèt sus Twitter.
 

 
 
Una camèra captèt de luènh l’instant de l’explosion:
 



Jornalet es possible gràcias al sosten economic e jornalistic dels legeires e benevòls. Se podètz sosténer en venent sòci dels Amics de Jornalet o de l’associacion ADÒC, contribuiretz a far un mèdia mai independent e de melhora qualitat.

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

leoun
1.

Es esta revendica pèr li "Faucoun de la Liberta" , branco dissidènto e radicalo de la luto armado Curdo.

  • 0
  • 0

Escriu un comentari sus aqueste article