Actualitats
La justícia neerlandesa a condemnat Geer Wilders per aver incitat a discriminar e aver insultat los marroquins
Lo cap ultradrechista es estat condemnat per un delicte d’incitacion a la discriminacion e d’insultes als marroquins, mas l’an relaxat de l’acusacion d’incitacion a l’òdi
Un tribunal neerlandés a condemnat lo cap ultradrechista Geer Wilders per incitar a la discriminacion contra los marroquins pendent un discors ont defendiá que cal contrarotlar lor arribada. Ça que la, la senténcia envisatja pas cap de puniment.
Wilders, cap del Partit de la Libertat (PVV), foguèt jutjat aquesta setmana passada, acusat per un discors que prononcièt dins un acte politic en 2014. Dins aquel discors demandèt als que l’escotavan se volián mai o mens de marroquins als Païses Basses. Lo tribunal a considerat qu’aquel prepaus constituís un delicte d’incitacion a la discriminacion e d’insultes a un grop uman. Pasmens, a relaxat Wilders de l’acusacion d’incitacion a l’òdi.
Wilders assistiguèt pas al jutjament, e lo qualifiquèt de “foliá” sus son compte de Twitter. “Tres jutges qu’asiran lo PVV declaran que los marroquins son una raça e me condemnan a ieu e la mitat dels olandeses”, çò diguèt del temps qu’acusava los tribunals de limitar la libertat d’expression, e anoncièt qu’el contunhariá de “dire la vertat”.
Wilders, cap del Partit de la Libertat (PVV), foguèt jutjat aquesta setmana passada, acusat per un discors que prononcièt dins un acte politic en 2014. Dins aquel discors demandèt als que l’escotavan se volián mai o mens de marroquins als Païses Basses. Lo tribunal a considerat qu’aquel prepaus constituís un delicte d’incitacion a la discriminacion e d’insultes a un grop uman. Pasmens, a relaxat Wilders de l’acusacion d’incitacion a l’òdi.
Wilders assistiguèt pas al jutjament, e lo qualifiquèt de “foliá” sus son compte de Twitter. “Tres jutges qu’asiran lo PVV declaran que los marroquins son una raça e me condemnan a ieu e la mitat dels olandeses”, çò diguèt del temps qu’acusava los tribunals de limitar la libertat d’expression, e anoncièt qu’el contunhariá de “dire la vertat”.
Drie PVV-hatende rechters verklaren Marokkanen tot ras en veroordelen mij en half Nederland.
— Geert Wilders (@geertwilderspvv) 9 de desembre de 2016
Knettergek.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 Ieu sabi pas se lo trolàs es de còps el, mas pòt èsser sa edat coma l'autre tròl falord: lors cervèls son dins aigassa.
Lo racisme es un delicte aquí e per tota Europa. E molt ben fait, mai se'n mereis !
#3 Los comentaris de Lo Muòl semblan òbra de Sèrgi Viaule. S'èra aital, me semblariá pas tròp onèste de decidir publicament de cessar sa collaboracion amb Jornalet, e i far lo tròl cada jorn.
#3 "E a la vista d’aquel reportatge de FR2 sus la femnas qu’an pas accés als bars dins la vila de sevran, se caldria tanben pausar cap de questions ? non pas ! son questions que se pausan pas !"
=> Arrestatz vòstra marrida fe. Jornalet a publicat d'articles recents sus los atemptats jihadistas de Niça, Mogadisho e Ankara, donc Jornalet se pausa ben de questions sus totas las violéncias que venon de totes los costats.
Ai pas seguit l’afar, mas me pausi questions…
« Dins aquel discors demandèt als que l’escotavan se volián mai o mens de marroquins als Païses Basses » ça disetz…
Benlèu que ne manca un tròç….. ? Se non èra lo càs aquò voldria dire qu’es estat condemnat per aver pausat una question dins un discors.
Es un bon indicator de dictatura aquò. : i a de questions que se pausan pas e que se devon pas pausar !
E a la vista d’aquel reportatge de FR2 sus la femnas qu’an pas accés als bars dins la vila de sevran, se caldria tanben pausar cap de questions ? non pas ! son questions que se pausan pas !
http://www.francetvinfo.fr/societe/societe-quand-les-femmes-sont-indesirables-dans-les-lieux-publics_1958225.html
Lo reportatge es aprèp la reclama corteta
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari