Actualitats
Mogadisho: un trentenat de mòrts dins una dimenjada d’atemptats terroristas
Lo grop jihadista Al Shabaab a revendicat las atacas. Somalia patís dempuèi 1991 una situacion de caos e de guèrras
Dimenjada tragica en Somalia. Una ataca kamikaze faguèt espetar ier dimenge un camion al pòrt de Mogadisho en tuant almens 29 personas e en ne ferissent un cinquantenat.
Qualques oras après l’ataca, lo grop jihadista Al Shabaab publiquèt sus Telegram qu’avián tuat 30 policièrs dins aquel atemptat, que segon lo grop jihadista eles provoquèron dintre un burèu de la polícia.
S’agís del segond atemptat que patís la capitala de Somalia durant aquesta dimenjada. Dissabte, faguèron espetar una veitura contra un contraròtle de seguretat.
Somalia es victima dempuèi 1991 d'una situacion de caos e de guèrras, après la casuda de la dictatura. En 2004, divèrsas faccions arribèron a un acòrdi per formar un govèrn de transicion, e en 2012 s’aprovèt una nòva Constitucion provisòria, mas plusors mèdias considèran qu’es un estat en falhida.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Se los jihadistas posan bombas, segur que hi ha un govern progressista, car los terroristas que son reclutats a las presons,als reformatoris, a las màfias e grups de deliqüència, coma podetz esperar, bolega res de bon.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari