Actualitats
Skype incorpora la traduccion en temps real de las telefonadas
Per ara, tradutz en anglés, espanhòl, francés, alemand, rus, mandarin, portugués, italian e arabi
Skype agrandís son servici de traduccion en temps real, en l'apondent a las telefonadas als telefòns mobils e tanben als fixes.
Fins ara, la traduccion en temps real foncionava solament en las telefonadas fachas dins l’aplicacion. Es a dire, quand los dos interlocutors utilizavan Skype. Pasmens, ara s’espandirà a las telefonadas realizadas a de telefòns —tan fixes coma mobils—.
Pel moment, Skype traduch en anglés, espanhòl, francés, alemand, rus, mandarin, portugués, italian e arabi. Segon çò que rapòrta la quita l’aplicacion dins son blòg d’informacions, aquel nòu esplech fonciona solament pels usatgièrs amb lo servici de privilègis Windows Insider Program, e mai se pòsca agrandir dins l'avenidor.
La traduccion automatica fonciona a travèrs de sistèmas d’aprendissatge prigond, e i pòt aver qualques errors. Ça que la, la societat assegura que lo sistèma melhorarà a mesura qu'aumentarà lo nombre d’usatgièrs.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Levat lo progrès tecnologic, aquò lor permet de gardar las conversacions e lors traduccions en format tèxte, qu'ocupa mens d'espaci disc, a la man dels servicis estadunisencs, fa raivar...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari