Actualitats
La presidenta del Parlament de Catalonha menada en justícia per aver permés un debat e un vòte
Una molonada d’elegits e de ciutadans an acompanhat Carme Forcadell e an manifestat lor sosten
La presidenta del Parlament de Catalonha, Carme Forcadell, foguèt entenduda ièr en justícia, acusada d’un delicte de desobesissença per aver permés que la cambra catalana debatèsse e votèsse las leis que menaràn lo país a l’independéncia, un debat parlamentari e un vòte que lo Tribunal Constitucional espanhòl aviá enebits.
Forcadell, percorrèt los sèt cents mètres que i a del Parlament de Catalonha al palais de justícia acompanhada de qualques centenats d’elegits, dont de membres del govèrn, cònsols e deputats del temps que qualques milièrs de personas s’acampavan davant la Cort per mostrar lor sosten a Forcadell, jos lo lèma “democracia”. Un dels elegits qu’acompanhava Forcadell es la deputada aranesa Mireia Boya, qu’en de declaracions a Jornalet manifestava que la Constitucion espanhòla es letra mòrta car “represente un estat que non permet debàter en un Parlament e perseguís es elegits d’aguest país”. Per Boya, lo jutjament de Forcadell es l’element que descadena l’independéncia: “Eth procès constituent ei començat”, çò diguèt.
“Se per carrièra se pòt parlar de l’independéncia, perqué se pòt pas far al Parlament?”
Forcadell refusèt de respondre a las questions del ministèri public mas si que respondèt a las de la defensa. Defendèt que son accion èra simplament politica e pausèt una question a la jutgessa: “Se per carrièra se pòt parlar de l’independéncia, perqué se pòt pas far al Parlament?”, çò demandèt Forcadell a la jutgessa.
En mai d’aquò, Forcadell, que risca una condemna d’inelegibilitat, sollicitèt de protegir son immunitat parlamentària.
“La democracia es en jòc, non pas l’avenir politic d’una persona”
En sortir del palais de justícia, Forcadell declarèt als mèdias que “l’estat e lo govèrn espanhòl se servisson del poder judiciari per restrénher lo drech de debatre d’un parlament democratic”. Per Forcadell, son procès demòstra que l’estat espanhòl viòla la separacion dels poders, e ela crei que “la democracia es en jòc, non pas l’avenir politic d’una persona”.
“Podèm pas dobrir la pòrta a la censura, perque se la dobrissèm, la poirem pas pus barrar”, çò assolidèt Forcadell en ajustant que cap de tribunal pòt pas empedir que la cambra catalana debata sus l' independéncia.
Doas oras puèi, faguèt una conferéncia de premsa al Parlament de Catalonha ont expliquèt que davant la jutgessa aviá defendut son accion. “Èra pas solament una accion legala, mas auriái mancat al reglament del Parlament s'aguèsse pas ieu agit aital”
D’acamps per Catalonha tota
La velha, de milièrs de personas s’acampèron davant los ostals de las comunas de Catalonha per exprimir lor sosten a Forcadell. A Barcelona, legiguèt lo manifèst de sosten la consolessa Ada Colau, qu’afortiguèt que “se se jutja Forcadell, se jutja tot un pòble”.
Sosten internacional
L’afar de Carme Forcadell es arribat a divèrsas cambras parlamentàrias d’Euròpa, notadament lo País de Galas e Escòcia. Tanben al Parlament d’Alemanha s’es denonciada la judiciarizacion d’aquel afar politic e un grop de deputats soïsses a presentat una mocion al Parlament federal en supòrt a la presidenta del Parlament de Catalonha.
Dins l’estat espanhòl, lo cap de Podèm, Pablo Iglesias, a manifestat son sosten a Forcadell sus Twitter. “La presidenta del Parlament de Catalonha jutjada per permetre un vòte que convòca un referendum. Me fa sentir de vergonha coma espanhòl e coma democrata”, çò a fiulat.
Forcadell, percorrèt los sèt cents mètres que i a del Parlament de Catalonha al palais de justícia acompanhada de qualques centenats d’elegits, dont de membres del govèrn, cònsols e deputats del temps que qualques milièrs de personas s’acampavan davant la Cort per mostrar lor sosten a Forcadell, jos lo lèma “democracia”. Un dels elegits qu’acompanhava Forcadell es la deputada aranesa Mireia Boya, qu’en de declaracions a Jornalet manifestava que la Constitucion espanhòla es letra mòrta car “represente un estat que non permet debàter en un Parlament e perseguís es elegits d’aguest país”. Per Boya, lo jutjament de Forcadell es l’element que descadena l’independéncia: “Eth procès constituent ei començat”, çò diguèt.
“Se per carrièra se pòt parlar de l’independéncia, perqué se pòt pas far al Parlament?”
Forcadell refusèt de respondre a las questions del ministèri public mas si que respondèt a las de la defensa. Defendèt que son accion èra simplament politica e pausèt una question a la jutgessa: “Se per carrièra se pòt parlar de l’independéncia, perqué se pòt pas far al Parlament?”, çò demandèt Forcadell a la jutgessa.
En mai d’aquò, Forcadell, que risca una condemna d’inelegibilitat, sollicitèt de protegir son immunitat parlamentària.
“La democracia es en jòc, non pas l’avenir politic d’una persona”
En sortir del palais de justícia, Forcadell declarèt als mèdias que “l’estat e lo govèrn espanhòl se servisson del poder judiciari per restrénher lo drech de debatre d’un parlament democratic”. Per Forcadell, son procès demòstra que l’estat espanhòl viòla la separacion dels poders, e ela crei que “la democracia es en jòc, non pas l’avenir politic d’una persona”.
“Podèm pas dobrir la pòrta a la censura, perque se la dobrissèm, la poirem pas pus barrar”, çò assolidèt Forcadell en ajustant que cap de tribunal pòt pas empedir que la cambra catalana debata sus l' independéncia.
Doas oras puèi, faguèt una conferéncia de premsa al Parlament de Catalonha ont expliquèt que davant la jutgessa aviá defendut son accion. “Èra pas solament una accion legala, mas auriái mancat al reglament del Parlament s'aguèsse pas ieu agit aital”
D’acamps per Catalonha tota
La velha, de milièrs de personas s’acampèron davant los ostals de las comunas de Catalonha per exprimir lor sosten a Forcadell. A Barcelona, legiguèt lo manifèst de sosten la consolessa Ada Colau, qu’afortiguèt que “se se jutja Forcadell, se jutja tot un pòble”.
Sosten internacional
L’afar de Carme Forcadell es arribat a divèrsas cambras parlamentàrias d’Euròpa, notadament lo País de Galas e Escòcia. Tanben al Parlament d’Alemanha s’es denonciada la judiciarizacion d’aquel afar politic e un grop de deputats soïsses a presentat una mocion al Parlament federal en supòrt a la presidenta del Parlament de Catalonha.
Dins l’estat espanhòl, lo cap de Podèm, Pablo Iglesias, a manifestat son sosten a Forcadell sus Twitter. “La presidenta del Parlament de Catalonha jutjada per permetre un vòte que convòca un referendum. Me fa sentir de vergonha coma espanhòl e coma democrata”, çò a fiulat.
La presidenta del Parlament de Catalunya juzgada por permitir una votación que convoca un referéndum. Me avergüenza como español y demócrata
— Pablo Iglesias (@Pablo_Iglesias_) 16 de desembre de 2016
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La dreta mos recorda lo franquista.
#1 Cal legir los jornals (diaris) catalans ! (sul malhum : Vilaweb, El, Punt, Ara) : referéndum sus l'independéncia previst al mes de setembre 2017 (se l'estat espanyol arribe pas a l'enebir, ambe mejans anti demòcratics).
Cada còp lo PP es mai PPotin! Criminalizar l'oposicion es ben çò que far lo Tsar Vladimir, non?
Quora es l'independéncia de Catalonha e Aran?!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari