Actualitats
Las polícias espanhòla e francesa aurián empedit la destruccion de las armas d’ÈTA
Detenguèron divendres passat tres activistas de la societat civila que s’èran engatjats dins lo procès de desarmament del grop armat
La Gàrdia Civila espanhòla, en collaboracion amb la DGSI francesa, arrestèt divendres de ser cinc personas e confisquèt una quantitat indeterminada d’armas e d’explosius a Luhuso, al Bascoat Nòrd. Segon las fonts oficialas, s’agís d’una operacion contra la logistica d’ÈTA, del temps que los jornals bascos Mediabask e Naiz rapòrtan que los detenguts èran d’activistas que s’èran prepausats per participar al procès de destruccion de las armas del grop armat basquista, qu’abandonèt la lucha armada en 2014 e dempuèi alavetz ensaja d’entamenar un procès de patz.
Dins un article entitolat “La destruccion de las armas d’ÈTA empedida per las polícias francesa e espanhòla”, Mediabask publica que tres dels detenguts avián adreiçat un corrièr a aquel mèdia en explicant lor implicacion dins la destruccion de l’arsenal d’ÈTA, mas que lor accion foguèt interrompuda per l’operacion policièra de divendres a Luhuso.
Aquelas tres personas que mençona Mediabask son conegudas en Bascoat per èsser engatjadas dins lo procès de desarmament d’ÈTA, sens aver “cap de ligam ni subordinacion amb [ela]”. S’agís de Jean-Noël Etcheverry, un militant ecologista per la non-violéncia; Michel Berhocoirigoin, una figura del sindicalisme agricòla e èx-president de la Cambra de Comèrci del Bascoat; e de Michel Tubiana, president d’onor de la Liga dels Dreches de l’Òme. Aquelas personalitats farián l’objècte d’una operacion policièra sul quite luòc ont procedissián a la destruccion d’una partida de l’arsenal d’ÈTA.
“La societat civila a pres sas responsabilitats e a desenclavat lo desmantelament de l’arsenal militar d’ÈTA”, çò ditz lo corrièr que los detenguts mandèron a Mediabask, del temps que denóncian “l’operacion policièra en cors per entravar aquela iniciativa”. Justifican lor accion per lor volontat de “contribuir a un avenir sens violéncia e democratic pel Bascoat”, e lo desarmament seriá “una condicion necessària”. En mai d’aquò, critican “aquela situacion absurda, ont l’organizacion armada vòl remetre las armas a un estat que refusa qu’aquò siá possible”, e apèlan “la societat civila e totes los elegis a se recampar immediatament dins un esperit totalament pacific per sostenir la necessitat d’un desarmament ordenat e contrarotlat”.
Manifestacion a Baiona
Ièr dissabte a 16h, qualques centenats de personas manifestèron a Baiona (Bas Ador) per demandar la liberacion immediata “deus hasedors de la patz”.
Dins un article entitolat “La destruccion de las armas d’ÈTA empedida per las polícias francesa e espanhòla”, Mediabask publica que tres dels detenguts avián adreiçat un corrièr a aquel mèdia en explicant lor implicacion dins la destruccion de l’arsenal d’ÈTA, mas que lor accion foguèt interrompuda per l’operacion policièra de divendres a Luhuso.
Aquelas tres personas que mençona Mediabask son conegudas en Bascoat per èsser engatjadas dins lo procès de desarmament d’ÈTA, sens aver “cap de ligam ni subordinacion amb [ela]”. S’agís de Jean-Noël Etcheverry, un militant ecologista per la non-violéncia; Michel Berhocoirigoin, una figura del sindicalisme agricòla e èx-president de la Cambra de Comèrci del Bascoat; e de Michel Tubiana, president d’onor de la Liga dels Dreches de l’Òme. Aquelas personalitats farián l’objècte d’una operacion policièra sul quite luòc ont procedissián a la destruccion d’una partida de l’arsenal d’ÈTA.
“La societat civila a pres sas responsabilitats e a desenclavat lo desmantelament de l’arsenal militar d’ÈTA”, çò ditz lo corrièr que los detenguts mandèron a Mediabask, del temps que denóncian “l’operacion policièra en cors per entravar aquela iniciativa”. Justifican lor accion per lor volontat de “contribuir a un avenir sens violéncia e democratic pel Bascoat”, e lo desarmament seriá “una condicion necessària”. En mai d’aquò, critican “aquela situacion absurda, ont l’organizacion armada vòl remetre las armas a un estat que refusa qu’aquò siá possible”, e apèlan “la societat civila e totes los elegis a se recampar immediatament dins un esperit totalament pacific per sostenir la necessitat d’un desarmament ordenat e contrarotlat”.
Manifestacion a Baiona
Ièr dissabte a 16h, qualques centenats de personas manifestèron a Baiona (Bas Ador) per demandar la liberacion immediata “deus hasedors de la patz”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari