Actualitats
Facebook ajudarà pas Donald Trump a crear un ipotetic registre de musulmans als Estats Units
Es una proposicion que faguèt l’elegit après los atemptats de París en novembre de 2015
Facebook a assegurat que collaborarà pas a la creacion d’una basa de donadas per contrarotlar los musulmans que vivon als Estats Units, una proposicion que Donald Trump faguèt pendent la campanha presidenciala e qu’a ja vist lo refús de centenats de societats teconologicas.
L'idèa de crear un registre dels musulmans se desvolopèt après los atemptats de París en novembre del 2015. “Sens cap de dobte ieu metriái en marcha aquela mesura”, çò declarèt Donald Trump a un jornalista d’NBC News dins un acte de campanha a l’estat d’Iowa (Estats Units).
“Degun nos a pas demandat que bastiscam un registre de musulmans e, evidentament, lo fariam pas”, çò a declarat un pòrtavotz de Facebook a The Intercept.
Es atal que Facebook jonh d’autras societats coma Google, Paypal o Apple, qu'an ja refusat de participar a la creacion d’una ipotetica basa de donadas “qu’enregistre los individús segon la raça, la religion o l’origina nacionala”, coma se pòt legir dins un manifèst signat per mai de 600 societats tecnologicas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
lei societats tecnologicas volon ren qu'una causa : escafar lei confins, lei pobles, lei lengas, lei diferéncias per que regnèsse" der Mensch ohne Eigenschaft" l'homme sans qualité de Musil, adict ai juocs video, a la violéncia sensa fin dei films e dei murtres de ficcion, "acro" ai novas tecnologias en totis lei drogas,, passant la mitat de sa vida a tamborinejar sus un clavier mistolin que pren la plaça dau solèu tremont , deis estatuas de Praxitèl e de l'extasi literària
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari