Actualitats
Zsa Zsa Gabor es mòrta a 99 ans
L'actritz èra mai coneguda per sos nombroses marits e sa vida sociala que per sos filmes
Zsa Zsa Gabor, l’actritz estatsunidenca d’origina ongresa, moriguèt diluns 19 de decembre a 99 ans a causa d’una crisi cardiaca.
Nascuda en 1917 en Ongria amb lo nom de Sari Gabor, immigrèt als Estats Units en 1941 e comencèt ailà una carrièra cinematografica que s’esperlonguèt fins en l’an 1996. Dins los ans 1950 e 1960, sa beutat seduguèt Hollywood e ela trabalhèt, entre d’autres, per John Huston dins lo filme Moulin Rouge, per Charles Walters dins Lili e per Orson Welles dins Touch of Evil. Mai recentament aviá fach d’intervencions dins de comèdias e sèrias de television.
L'actritz foguèt una de las primièras celebritats dels Estats Units. Èra saique mai coneguda per sos nombroses marits e sa vida sociala que per sos filmes. Se maridèt nòu còps amb de grandas celebritats, coma lo magnat ostalièr Conrad Hilton, e aguèt de relacions amb de personatges fòrça populars.
Nascuda en 1917 en Ongria amb lo nom de Sari Gabor, immigrèt als Estats Units en 1941 e comencèt ailà una carrièra cinematografica que s’esperlonguèt fins en l’an 1996. Dins los ans 1950 e 1960, sa beutat seduguèt Hollywood e ela trabalhèt, entre d’autres, per John Huston dins lo filme Moulin Rouge, per Charles Walters dins Lili e per Orson Welles dins Touch of Evil. Mai recentament aviá fach d’intervencions dins de comèdias e sèrias de television.
L'actritz foguèt una de las primièras celebritats dels Estats Units. Èra saique mai coneguda per sos nombroses marits e sa vida sociala que per sos filmes. Se maridèt nòu còps amb de grandas celebritats, coma lo magnat ostalièr Conrad Hilton, e aguèt de relacions amb de personatges fòrça populars.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E Simone Roussel (alias Michelle Morgan) a 96 ans.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari