Actualitats
S'es commemorat lo jorn mondial del pòble gitano
Lo 8 d'abril de 1971 se faguèt a Londres lo primièr Congrès Gitano Internacional
L'ONU a demandat un esfòrç a totes los govèrns e a la societat per acceptar, comprene e integrar la comunitat ròm, fòrça sovent discriminada e exclusa.
Lo 8 d'abril de 1971 se faguèt a Londres lo primièr Congrès Gitano Internacional. Tre aquel moment, lo 8 d'abril se celèbra lo Jorn Internacional del Pòble Ròm, que commemòra l'exòde inicial e la darrièra granda persecucion contra los gitanos, l'assassinat de mièg milion dins los camps de concentracion nazis.
A prepaus d'aquesta data, l'ONU a demandat un esfòrç a totes los govèrns e a la societat per acceptar, comprene e integrar la comunitat ròm, sovent discriminada e exclusa. "En aquel temps de crisi, los gitanos pòdon venir aisidament de caps de turc de las dificultats de la societat. Cal prevenir los comportaments racistas que pòscan derivar en actes violentes contra los gitanos", çò ditz lo comunicat de las Nacions Unidas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari