Actualitats
Se multiplican las mòstras de solidaritat pels “artisans de la patz”
De manifestacions, comunicats e una peticion en linha fòrça seguida exigisson la liberacion dels cinc activistas de la societat civila basca detenguts, que s’èran engatjats dins lo procès de desarmament d’ÈTA
Las mòstras de solidaritat en favor dels nomenats “artisans de la patz” se multiplican. Lo jornalista e politician occitan Dàvid Grosclaude a manifestat sa solidaritat amb un comunicat dins son blòg del temps que s’es bandida una peticion en linha qu’amassa mai de 22 000 signaturas.
S’agís de Txetx Etcheverry, Michel Berhocoirigoin, Stéphane Etchegaray, Béatrice Haran–Molle e Michel Bergougnian que foguèron arrestats divendres a Luhuso (Bascoat Nòrd) per la Gàrdia Civila espanhòla, en collaboracion amb la DGSI francesa. E mai s’anoncièron que s’agissiá d’una operacion contra la logistica d’ÈTA, los detenguts èran d’activistas que participavan al procès de destruccion de las armas del grop armat basquista, qu’abandonèt la lucha armada en 2014 e dempuèi alavetz ensaja d’entamenar un procès de patz.
Se tracta de militants ecologistas, per la non-violéncia, de figuras del sindicalisme agricòla e quitament l’èx-president de la Cambra de Comèrci del Bascoat e lo president d’onor de la Liga dels Dreches de l’Òme.
“La societat civila a pres sas responsabilitats e a desenclavat lo desmantelament de l’arsenal militar d’ÈTA”, çò ditz un corrièr que los detenguts mandèron a Mediabask, del temps que denóncian “l’operacion policièra en cors per entravar aquela iniciativa”. Justifican lor accion per lor volontat de “contribuir a un avenir sens violéncia e democratic pel Bascoat”, e lo desarmament ne seriá “una condicion necessària”. En mai d’aquò, critican “aquela situacion absurda, ont l’organizacion armada vòl remetre las armas a un estat que refusa qu’aquò siá possible”, e apèlan “la societat civila e totes los elegis a se recampar immediatament dins un esperit totalament pacific per sostenir la necessitat d’un desarmament ordenat e contrarotlat”.
Dissabte passat, aperaquí 4000 personas manifestèron per las carrièras de Baiona (Bas Ador), per ne reclamar la liberacion e perseguir lo procès de patz.
Podètz signar la peticion en linha sus: artisansdelapaix.wesign.it
S’agís de Txetx Etcheverry, Michel Berhocoirigoin, Stéphane Etchegaray, Béatrice Haran–Molle e Michel Bergougnian que foguèron arrestats divendres a Luhuso (Bascoat Nòrd) per la Gàrdia Civila espanhòla, en collaboracion amb la DGSI francesa. E mai s’anoncièron que s’agissiá d’una operacion contra la logistica d’ÈTA, los detenguts èran d’activistas que participavan al procès de destruccion de las armas del grop armat basquista, qu’abandonèt la lucha armada en 2014 e dempuèi alavetz ensaja d’entamenar un procès de patz.
Se tracta de militants ecologistas, per la non-violéncia, de figuras del sindicalisme agricòla e quitament l’èx-president de la Cambra de Comèrci del Bascoat e lo president d’onor de la Liga dels Dreches de l’Òme.
“La societat civila a pres sas responsabilitats e a desenclavat lo desmantelament de l’arsenal militar d’ÈTA”, çò ditz un corrièr que los detenguts mandèron a Mediabask, del temps que denóncian “l’operacion policièra en cors per entravar aquela iniciativa”. Justifican lor accion per lor volontat de “contribuir a un avenir sens violéncia e democratic pel Bascoat”, e lo desarmament ne seriá “una condicion necessària”. En mai d’aquò, critican “aquela situacion absurda, ont l’organizacion armada vòl remetre las armas a un estat que refusa qu’aquò siá possible”, e apèlan “la societat civila e totes los elegis a se recampar immediatament dins un esperit totalament pacific per sostenir la necessitat d’un desarmament ordenat e contrarotlat”.
Dissabte passat, aperaquí 4000 personas manifestèron per las carrièras de Baiona (Bas Ador), per ne reclamar la liberacion e perseguir lo procès de patz.
Podètz signar la peticion en linha sus: artisansdelapaix.wesign.it
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La patz es lo camin.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari