Actualitats
Catalonha e Aran: los especialistas se meton al trabalh pel referendum d’independéncia
Una assemblada de politicians, de la societat civila e d’agents socials es a pilotar lo referendum
Lo referendum d’independéncia de Catalonha e Aran, que se deu organizar l’an que ven, lo prepararàn una còla d’expèrts politics causida pel president Carles Puigdemont. S’agís de uèch personalitats qu’an demostrat dins lor carrièra una fòrta independéncia politica dins los partits ont foguèron, çò que, dins qualques cases, lor portèt de problèmas. Es lo cas de l’èx-deputat socialista Joan Ignasi Elena, que serà lo pòrtavotz de la còla, que foguèt aprovada ièr de ser per la cima pel referendum qu’amassèt de representants politics, d’agents socials e la societat civila.
Cima pel referendum
Se tenguèt ièr dins lo Parlament de Catalonha lo nomenat “Pache Nacional pel Referendum”. Eissida de l’ancian Pache Nacional pel Drech de Decidir, aquela assemblada pilotarà la comission que se cargarà de gerir lo referendum independentista.
Lo Pache Nacional pel Referendum deu decidir tanben cossí s’organiza la campanha de difusion del vòte: lo messatge que se mandarà serà de neutralitat a respècte del sens del vòte, e se defendrà lo fach de votar coma element fondamentalament democratic. L’organizacion de las campanhas per l'“òc” o pel “non” se daissarà a las mans dels partits e de las associacions.
Lista d’especialistas internacionals
En mai d’aquò, los grops parlamentaris independentistas (Junts pel Sí e CUP), an començat de far una lista de mai d’un centenat d’especialistas en diplomacia e drech internacional de tot lo Mond. Lor demandaràn d’integrar un comitat d’expèrts que pairinaràn lo referendum internacionalament.
De partits politics e un quarantenat d’associacions que representan la societat catalana se son amassats per trabalhar sul drech de Catalonha, per fin que pòsca far un referendum d’independéncia.
Cima pel referendum
Se tenguèt ièr dins lo Parlament de Catalonha lo nomenat “Pache Nacional pel Referendum”. Eissida de l’ancian Pache Nacional pel Drech de Decidir, aquela assemblada pilotarà la comission que se cargarà de gerir lo referendum independentista.
Lo Pache Nacional pel Referendum deu decidir tanben cossí s’organiza la campanha de difusion del vòte: lo messatge que se mandarà serà de neutralitat a respècte del sens del vòte, e se defendrà lo fach de votar coma element fondamentalament democratic. L’organizacion de las campanhas per l'“òc” o pel “non” se daissarà a las mans dels partits e de las associacions.
Lista d’especialistas internacionals
En mai d’aquò, los grops parlamentaris independentistas (Junts pel Sí e CUP), an començat de far una lista de mai d’un centenat d’especialistas en diplomacia e drech internacional de tot lo Mond. Lor demandaràn d’integrar un comitat d’expèrts que pairinaràn lo referendum internacionalament.
De partits politics e un quarantenat d’associacions que representan la societat catalana se son amassats per trabalhar sul drech de Catalonha, per fin que pòsca far un referendum d’independéncia.
Avui impulsem el Pacte Nacional pel #Referèndum, un espai plural i transversal que recull el desig de la immensa majoria de la ciutadania pic.twitter.com/sPibLIBzYd
— Carles Puigdemont (@KRLS) 23 de desembre de 2016
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La única causa que es pot far ara, es parlar del reconeisement de la nostra nacion catalana, qu' encara es pas reconeguda puei de mai de trenta ans de "democràcia"
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari