Actualitats
Vesita istorica de Shinzo Abe a Pearl Harbor
Lo primièr ministre japonés e Barack Obama fan aital culminar lor temptativa de reconciliar e refortir las relacions entre los dos païses . En mai passat, Obama vesitèt Hiroshima
Lo primièr ministre japonés, Shinzo Abe, vesitèt lo jorn de Nadal passat Pearl Harbor, en Hawaii, acompanhat del president dels Estats Units, Barack Obama, per rendre omenatge a las victimas de l’ataca japonesa pendent la Segonda Guèrra Mondiala. La tòca del dirigent japonés es d’“assolaçar las armas de las victimas” d’aquela ataca que l’aviacion japonesa realizèt lo 7 de decembre de 1941.
Dins sas declaracions a la premsa locala, Abe faguèt una crida a repetir pas “las orrors de la guèrra” e encoratgèt la populacion a “agachar devèrs l’avenir”. De fach, aquela vesita se ten dins l’encastre del procès de reconciliacion que menan a bon tèrme Japon e los Estats Units. “La vesita es una oportunitat per enviar un messatge sus la valor de la reconciliacion entre los dos païses”, çò expliquèt.
Tanben amb la tòca de sonhar las plagas de la Segonda Guèrra Mondiala, Obama viatgèt en mai passat a la vila d’Hiroshima, ont los Estats Units lancèron una bomba nucleara lo 6 d’agost de 1945.
Dins sas declaracions a la premsa locala, Abe faguèt una crida a repetir pas “las orrors de la guèrra” e encoratgèt la populacion a “agachar devèrs l’avenir”. De fach, aquela vesita se ten dins l’encastre del procès de reconciliacion que menan a bon tèrme Japon e los Estats Units. “La vesita es una oportunitat per enviar un messatge sus la valor de la reconciliacion entre los dos païses”, çò expliquèt.
Tanben amb la tòca de sonhar las plagas de la Segonda Guèrra Mondiala, Obama viatgèt en mai passat a la vila d’Hiroshima, ont los Estats Units lancèron una bomba nucleara lo 6 d’agost de 1945.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
una recon,ciliacion exclaus tota repentança d'un costat coma de l'autre, es a dire una oposicion entre lo ben e lo mau, ço que non se pot concèbre per aquelei que pensan que lo colonialisme ei lo mau suprema (Satanàs) fàcia au bon Dieu (lo poble colonizat), pasz un peçuc de pentiment japonés o american! la Japon, en 1854 veguènt que sa civilizacion èra inferiora an aquela deis europencs e dei USA dècidèt de se transformar en pais modèrna a nivèu nostre. e desenant devenguèron colonizators Corèa, Manchoria, Russia que pèrde la guerra de1904,concession japonesa en China, conquista avaorada de la China e se tuerta ais Estatds-Units, pûissança imperalista tardiva, qu'aguèt conquistat HawaÎ onte regnava una dei civilisacion canibals de la Polonesia e derraba à l'Espanha sei darrieras colonias Cuba e lei Filipinas (guerra de 1898), parier coma en Europa, aliats contra Alemanha ! l(apolcalipsi atomic ne foguèt la conclusion
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari