Actualitats
Catalonha: an detengut un elegit independentista acusat de “sedicion”
Un tribunal de delictes de terrorisme lo jutja amb un còde penal franquista, per aver sostengut publicament la declaracion del Parlament catalan qu’apròva la desconnexion d’Espanha
Contunha la repression contra los elegits independentistas en Catalonha. Lo conselhièr municipal de Vic Joan Coma foguèt arrestat dimars passat e menat a l’Audiéncia Nacionala espanhòla, lo tribunal d’excepcion que jutja los delictes de terrorisme. Joan Coma es acusat d’un delicte d’incitacion a la sedicion per aver donat sosten a la declaracion del Parlament de Catalonha de novembre de 2015 qu’aprovava la desconnexion de l’estat espanhòl. “Per far una moleta cal trencar los uòus”, çò manifestèt lo conselhièr municipal, e per aquela frasa lo jutjan coma un terrorista.
Coma refusèt de se gandir al tribunal en octòbre passat. Dimars lo detenguèron dins l’ostal de la comuna de Vic per lo menar a Madrid davant lo jutge.
Al moment de sa detencion, Coma arribèt d’enregistrar un messatge, que lo Movement 3003 n’a fach difusion suls rets socials. “Soi Joan Coma. Fa qualques instants la polícia m’a arrestat. A l’ora d’ara me menan a Madrid contra ma volontat...”: atal comença lo messatge ont Coma demanda l’unitat dels independentistas e afirma que parlarà davant lo jutge. “E seràn pas eles, mas nosautres, independentistas, que decidirem dins las urnas lo futur del nòstre pòble. E se cal, sens cap de permission”, çò assolida per conclure: “A lèu-lèu, ont tot comença”.
De rassemblaments pertot en Catalonha
Lo meteis jorn de l’arrestacion, Coma recebèt una avalanca de sostens, dont lo del president de la Generalitat de Catalonha, Carles Puigdemont, dels principals caps de totes los partits politics del Parlament, franc dels socialistas, del PP e de Ciutadans.
La CUP cridèt a se recampar davant los ostals de comuna dels Païses Catalans. E de centenats de personas seguiguèron aquela crida dins la majoritat de municipalitats catalanas. Lo rassemblament mai destacat foguèt lo de Vic, vila de Joan Coma.
Rassemblament a Madrid
Un centenat de personas anèron ièr a Madrid per se recampar davant la cort que jutgèt Coma, dont la deputada aranesa del Parlament de Catalonha, Mireia Boya. “Eth còde penau deth franquisme ei era basa tà jutjar Joan Coma per sedicion”, çò diguèt Boya a la redaccion de Jornalet. De fach, lo jutge imputa a Coma los delictes de “sedicion” e “contra la forma de govèrn”, un concèpte juridic comprés dins lo còde penal espanhòl de 1973.
Mireia Boya: “Cap de jutge decidirà per nosati eth nòste futur”
La polícia espanhòla obliguèt totes los acampats de se desplaçar per evitar que la protèsta se tenguèsse davant la pòrta de la cort. En mai d’aquò, prenguèron totas las cartas d’indentitat dels manifestants.
“Ua vergonha”, çò declarèt a Jornalet Mireia Boya, que manifestèt net e clar que “cap jutge decidirà per nosati eth nòste futur”.
Coma refusèt de se gandir al tribunal en octòbre passat. Dimars lo detenguèron dins l’ostal de la comuna de Vic per lo menar a Madrid davant lo jutge.
Al moment de sa detencion, Coma arribèt d’enregistrar un messatge, que lo Movement 3003 n’a fach difusion suls rets socials. “Soi Joan Coma. Fa qualques instants la polícia m’a arrestat. A l’ora d’ara me menan a Madrid contra ma volontat...”: atal comença lo messatge ont Coma demanda l’unitat dels independentistas e afirma que parlarà davant lo jutge. “E seràn pas eles, mas nosautres, independentistas, que decidirem dins las urnas lo futur del nòstre pòble. E se cal, sens cap de permission”, çò assolida per conclure: “A lèu-lèu, ont tot comença”.
De rassemblaments pertot en Catalonha
Lo meteis jorn de l’arrestacion, Coma recebèt una avalanca de sostens, dont lo del president de la Generalitat de Catalonha, Carles Puigdemont, dels principals caps de totes los partits politics del Parlament, franc dels socialistas, del PP e de Ciutadans.
La CUP cridèt a se recampar davant los ostals de comuna dels Païses Catalans. E de centenats de personas seguiguèron aquela crida dins la majoritat de municipalitats catalanas. Lo rassemblament mai destacat foguèt lo de Vic, vila de Joan Coma.
Rassemblament a Madrid
Un centenat de personas anèron ièr a Madrid per se recampar davant la cort que jutgèt Coma, dont la deputada aranesa del Parlament de Catalonha, Mireia Boya. “Eth còde penau deth franquisme ei era basa tà jutjar Joan Coma per sedicion”, çò diguèt Boya a la redaccion de Jornalet. De fach, lo jutge imputa a Coma los delictes de “sedicion” e “contra la forma de govèrn”, un concèpte juridic comprés dins lo còde penal espanhòl de 1973.
Continuem esperant la #LlibertatJoanComa davant del TOP pic.twitter.com/LMqG26Fqv5
— Mireia Boya Busquet (@yeyaboya) 28 de desembre de 2016
Mireia Boya: “Cap de jutge decidirà per nosati eth nòste futur”
La polícia espanhòla obliguèt totes los acampats de se desplaçar per evitar que la protèsta se tenguèsse davant la pòrta de la cort. En mai d’aquò, prenguèron totas las cartas d’indentitat dels manifestants.
“Ua vergonha”, çò declarèt a Jornalet Mireia Boya, que manifestèt net e clar que “cap jutge decidirà per nosati eth nòste futur”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Si en son de bèsties, ara jutjat per una llei franquista, i a mès a la presó. Crec que la política estatal, èl que es veu: S'ha tornat falangista, o això sembla, perquè dir el que diuen polítics del PPcatalà, com que certs polítics Catalans son nazis i que el nacionalisme Català es nazi, collons! Si que es fort això, i ningú els ha condemnat!
En fi que: Fora el mal govern i:
Visca la Terra...Lliure !
L'Ernest, "El tàrrega".
E l'han acusat segons las leis franquista.
Solidaritat !
siam dins un temps que cade jorn que Allah fai, d'iluminats se fan sautar amb una bomba o escotelan un mau-cresènt, (koufir) lo mot de sedicion a un delicios perfum de l'insostenible leugieretat dau passat, a levat per aqueu que n'es victima, de segur, tot aquo mete en relèu lo caractèr pacific e modèrne de l'independentisme catalan e lo biais vielhassos e ranci dau nacionalisme espanhou
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari