Actualitats
De desenats de membres de Boko Haram se rendon a las autoritats dins lo sud de Nigèr
Los milicians arribèron compartits en plusors grops e espèran ara un gèst de la part de las autoritats
De desenats de membres del grop terrorista Boko Haram se son liurats a las autoritats de la zòna sud de Nigèr, après que l’organizacion a patit una tièra de desfachas dins l’estat vesin de Nigèria, ont se situa son bastion principal.
‘Trenta-un joves de Diffa, que s'integrèron fa d’ans a Boko Haram, an decidit se rendre”,çò anoncièt sus Twitter lo ministre de l’Interior de Nigèr, Mohamed Bazoum, qu'a vesitat la zòna frontalièra dels dos estats.
Los milicians arribèron repartits en mai d’un grop e espèran ara un gèst de la part de las autoritats. “M'assabentèri que los primièrs a se rendre serián pas arrestats”, çò diguèt un d’aqueles joves a la television estatala, ont a demandat l’indugéncia per poder contribuir al desvolopament del país e “mestrejar lo traumatisme” viscut.
Una font dels servicis de seguretat a avertit qu’encara cal discutir las “condicions” pels terroristas pentits.
De desenats de milièrs de personas abandonèron en junh lors ostals a Diffa davant las avançadas de Boko Haram, organizacion responsabla de mai de 15 000 mòrts e de dos milions de desplaçats dempuèi que prenguèt las armas fa sèt ans. Lo grop, qu'a jurat leialtat a l’autoproclamat Estat Islamic, cèrca d’aplicar la sharia dins lo nòrd-èst de Nigèria.
Cecila Hautefeuille: Quau son los de Boko Haram?
‘Trenta-un joves de Diffa, que s'integrèron fa d’ans a Boko Haram, an decidit se rendre”,çò anoncièt sus Twitter lo ministre de l’Interior de Nigèr, Mohamed Bazoum, qu'a vesitat la zòna frontalièra dels dos estats.
Los milicians arribèron repartits en mai d’un grop e espèran ara un gèst de la part de las autoritats. “M'assabentèri que los primièrs a se rendre serián pas arrestats”, çò diguèt un d’aqueles joves a la television estatala, ont a demandat l’indugéncia per poder contribuir al desvolopament del país e “mestrejar lo traumatisme” viscut.
Una font dels servicis de seguretat a avertit qu’encara cal discutir las “condicions” pels terroristas pentits.
De desenats de milièrs de personas abandonèron en junh lors ostals a Diffa davant las avançadas de Boko Haram, organizacion responsabla de mai de 15 000 mòrts e de dos milions de desplaçats dempuèi que prenguèt las armas fa sèt ans. Lo grop, qu'a jurat leialtat a l’autoproclamat Estat Islamic, cèrca d’aplicar la sharia dins lo nòrd-èst de Nigèria.
Cecila Hautefeuille: Quau son los de Boko Haram?
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La merda terrorista qu' ha escampat l'Imperi per arreu del mond, ara la caldrà levar los països que han estat las victimas, a força de detergent. E l'Imperi se'n renta las mans e presumeis de democràcia.
#1 ?
An pas de fàcia aquel monde de Boco Aram. Paures tipes ridiculs.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari