Actualitats
La dominacion dels mamifèrs comencèt fòrça abans
De recèrcas confirman que los mamifèrs terians, ancessors dels mamifèrs modèrnes, ja s’èran pro diversificats entre 10 e 20 milions d’ans abans l’extincion dels dinosaures
De còps, es pas util de far un nòu estudi scientific amb de nòvas donadas per descobrir quicòm de nòu en sciéncia. Aquò es çò que s’es passat dins l’estudi realizat sus de fossils ja coneguts que i aviá dins los musèus de la planeta. La conclusion es pro estonanta: los mamifèrs comencèron lor regne fòrça abans l’extincion dels dinosaures fa 66 milions d’ans. Ara cal tornar escriure l’istòria naturala de la Tèrra.
Aital, los mamifèrs aurián començat a dominar la planeta 10 a 20 milions d’ans abans l’extincion dels dinosaures. O ditz un nòu estudi fach per l’Universitat de Southampton e amb Elis Newham coma cap. Las conclusions de l’estudi demòstran que, malgrat la cresença populara, los mamifèrs tanben dominèron la planeta pendent l’epòca dels dinosaures e qu’aquestes e los aucèls foguèron pas los solets senhors de la Tèrra fins fa 66 milions d’ans.
“L’opinion tradicionala –çò diguèt Eliss Newham– es que la preséncia dels mamifèrs pendent l’edat dels dinosaures foguèt fòrça pichona e que lor diversificacion cresquèt après l’extincion dels dinosaures. Totun, nòstras recèrcas confirman que los mamifèrs terians, ancessors dels mamifèrs modèrnes, ja s’èran pro diversificats entre 10 e 20 milions d’ans abans l’extincion dels dinosaures e qu’aquò foguèt pas, en un primièr moment, positiu per eles”.
Una extincion generalizada
L’ipotèsi de la majoritat de la comunautat scientifica d’uèi ditz que los mamifèrs presents fa 70 milions d’ans s’èran pas brica diversificats. E qu’èran de pichons mamifèrs manjaires d’insèctes. Malgrat aquò, s’es trobat de mamifèrs de l’epòca amb la talha d’un can e aurián pas totes agut la meteissa dièta.
En tot analizar las dents de centenats de mamifèrs plaçats en divèrsas colleccions de musèus del Mond, la còla qu’a efectuat aqueste nòu estudi a trobat que las talhas d’aquestes tanben son fòrça desparièras, çò que vòl dire que las diètas tanben o èran. Aquò contraditz la teoria sus los mamifèrs de l’epòca dels dinosaures que i aviá fins a uèi.
A mai, an pogut soslinhar que los mamifèrs se diversifiquèron fòrça abans çò esperat e que l’extincion massiva que se produguèt sus la planeta fa 66 milions d’ans tanben foguèt negativa per eles. Fòrça d’eles poguèron subreviure mas de centenats d’espècias de mamifèrs tanben desapareguèron. Benlèu, çò dison los scientifics, pr’amor qu’avián pas una dieta pro generalizada. Lo mitan scientific s’estonèt de descobrir aqueste fach. “Esperavi veire mai de diversitat entre los mamifèrs just après l’extincion dels dinosaures –çò diguèt lo coautor de l’estudi David Grossnicle, de l’Universitat de Chicago–. Mas foguèt pas aital. I aguèt fòrça extincions de mamifèrs e aquestes poguèron pas tornar dominar la planeta abans qualques milions d’ans”.(Legissètz la seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Aital, los mamifèrs aurián començat a dominar la planeta 10 a 20 milions d’ans abans l’extincion dels dinosaures. O ditz un nòu estudi fach per l’Universitat de Southampton e amb Elis Newham coma cap. Las conclusions de l’estudi demòstran que, malgrat la cresença populara, los mamifèrs tanben dominèron la planeta pendent l’epòca dels dinosaures e qu’aquestes e los aucèls foguèron pas los solets senhors de la Tèrra fins fa 66 milions d’ans.
“L’opinion tradicionala –çò diguèt Eliss Newham– es que la preséncia dels mamifèrs pendent l’edat dels dinosaures foguèt fòrça pichona e que lor diversificacion cresquèt après l’extincion dels dinosaures. Totun, nòstras recèrcas confirman que los mamifèrs terians, ancessors dels mamifèrs modèrnes, ja s’èran pro diversificats entre 10 e 20 milions d’ans abans l’extincion dels dinosaures e qu’aquò foguèt pas, en un primièr moment, positiu per eles”.
Una extincion generalizada
L’ipotèsi de la majoritat de la comunautat scientifica d’uèi ditz que los mamifèrs presents fa 70 milions d’ans s’èran pas brica diversificats. E qu’èran de pichons mamifèrs manjaires d’insèctes. Malgrat aquò, s’es trobat de mamifèrs de l’epòca amb la talha d’un can e aurián pas totes agut la meteissa dièta.
En tot analizar las dents de centenats de mamifèrs plaçats en divèrsas colleccions de musèus del Mond, la còla qu’a efectuat aqueste nòu estudi a trobat que las talhas d’aquestes tanben son fòrça desparièras, çò que vòl dire que las diètas tanben o èran. Aquò contraditz la teoria sus los mamifèrs de l’epòca dels dinosaures que i aviá fins a uèi.
A mai, an pogut soslinhar que los mamifèrs se diversifiquèron fòrça abans çò esperat e que l’extincion massiva que se produguèt sus la planeta fa 66 milions d’ans tanben foguèt negativa per eles. Fòrça d’eles poguèron subreviure mas de centenats d’espècias de mamifèrs tanben desapareguèron. Benlèu, çò dison los scientifics, pr’amor qu’avián pas una dieta pro generalizada. Lo mitan scientific s’estonèt de descobrir aqueste fach. “Esperavi veire mai de diversitat entre los mamifèrs just après l’extincion dels dinosaures –çò diguèt lo coautor de l’estudi David Grossnicle, de l’Universitat de Chicago–. Mas foguèt pas aital. I aguèt fòrça extincions de mamifèrs e aquestes poguèron pas tornar dominar la planeta abans qualques milions d’ans”.(Legissètz la seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
"De còps, es pas UTIL de far un nòu estudi scientific amb de nòvas donadas per descobrir quicòm de nòu en sciéncia."
Pensi que voletz díser exactament lo contra : es pas INUTIL, com ac mostra la seguida.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari