capçalera campanha

Actualitats

PoliticaEconomia
crotz-tolosaCreated with Sketch.AuvèrnheAuvèrnheLimanha

Clarmont-Ferrand barra la pòrta als produches que provenon de las colònias israelianas

Lo conselh municipal de la vila votèt, contra l’avís del cònsol màger, de seguir una crida de la societat palestiniana que demandava lo boicòt pacific per far pression sul govèrn de l’estat d’Israèl

| Boycott, Divestment and Sanctions (BDS) Movement
Clarmont-Ferrand ven la primièra vila d’Occitània qu’a aprovat de boicotar los produches que provenon de las colònias israelianas, malgrat las protèstas energicas del cònsol PS de la capitala auvernhata, Olivier Bianchi. Lo darrièr conselh municipal aprovèt lo 16 de decembre passat, amb 24 vòtes sus 55, una proposicion presentada pels grops Comunista e Republican, Front d’Esquèrra e Euròpa-Ecologia Los Verds, çò rapòrtan La Setmana e La Montagne.
 
 
Un apèl de la societat civila palestiniana
 
Es atal que Clarmont-Ferrand seguís la crida del movement BDS (Boycott, Desinvestiment, Sancions), una iniciativa lançada per la societat palestiniana en 2005, un movement mondial e pacific que cèrca de far pression sul govèrn de l’estat d’Israèl per lo forçar a observar cèrtas resolucions de l’ÒNU incomplidas, e mai que mai per metre un ponch final a l’ocupacion de cèrts territòris sirians e palestinians, a la discriminacion sistematica de las personas palestinianas e per que se permeta lo retorn dels refugiats.
 
E mai se Clarmont d’Auvèrnhe es la primièra vila occitana a seguir la crida del movement BDS, d’autras vilas de l’estat francés la seguisson, es lo cas de Bondy (Seine-Saint-Denis) e d'Ivry-sur-Seine (Val-de-Marne). An seguit tanben l’apèl los conselhs municipals d’autras vilas en Irlanda, Espanha, Suécia, Itàlia, al Reialme Unit e en Austràlia.
 
Aquela crida de la societat civila palestiniana a quitament obtengut que l’Union Europèa impause un etiquetatge diferenciat dels produches en provenença dels territòris ocupats per l’estat d’Israèl.
 
 
Oposicion del cònsol màger
 
Lo cònsol màger, Olivier Bianchi, s’opausa fòrtament al tèxte aprovat pel conselh municipal e declara, dins un comunicat oficial, que “lo conflicte israelopalestinian es pro sensible, fa resson dins nòstras consciéncias a tantas dolors e sofrenças [...] que me sembla pas fondat per una municipalitat coma la nòstra, de suscitar d’inutilas, e mai dangeirosas tensions, aicí a Clarmont-Ferrand”. Bianchi apond que vòl "precisar e explicitar sa causida” davant “la violéncia de las reaccions de tot bòrd”.
 
 

 
 
Reaccions de colèra
 
D’un costat, l’estat d’Israèl acusa França de favorir los boicòts après las instruccions donadas per París als actors economics per l’aplicacion d’aquela decision comunautària de l’etiquetatge diferenciat.
 
E ara la vila nòrd-occitana es jos lo fuòc de las criticas dels rets socials e provòca fòrça demandas e reaccions de las associacions israelianas e/o josievas, çò rapòrta Russia Today.
 
 

 


 



Jornalet es possible gràcias al sosten economic e jornalistic dels legeires e benevòls. Se podètz sosténer en venent sòci dels Amics de Jornalet o de l’associacion ADÒC, contribuiretz a far un mèdia mai independent e de melhora qualitat.
 
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

francesc palma
7.

Cal posar en evidencia l' ipocresia de los que volen far coma los nazis, encara qu' eles foren sas victimas a la segomda guerra mundiala.

  • 5
  • 0
Felip Maurici Nòrd Occitània
6.

Un còp de mai vesèm qu'es malaisat d'anar contra Israèl, que prendriem pas de pincetas coma-quò si èra un autre país que violava los acòrdis de l'ONU... Aquela chausida es coratjosa, òsca Clarmont d'Auvèrnhe !

  • 12
  • 0
Bernard Terrasson
5.

#2 Es plan çò que disi. Mas los que sostenon la politica de l'Estat israelian vòlon enebir tota critica del sionisme e de la colonisacion en disent que los que fan aquelas criticas son d'antisemitas. Actualament, estar acusat d'antisemitisme dins nòstre país correspond a una mòrt sociala e professionala. Es perqué lo mond an paur de criticar la politica d'Israel. La decision de Clarmont es donc fòrça coratjosa perqué riscan d'estar atacats violentament et lo cònse, qu'a plan comprés, s'es dessolidarisat a causa d'aquela paur justament. Quora vesem cossí un òme coma lo cantaire Renaud, qu'èra pro palestinian, es vengut pro sionista e pro Fillon, nos podèm pausar de questions ...
Sèm plan d'acòrdi.

  • 20
  • 5
Rachel Riam
4.

#1 antisemtia e antisionista son de mots e de concèptes complètament diferents. Es de marrida fe ensajar de los confondre

  • 21
  • 2
Bernard Terrasson
3.

Clarmont d'Auvèrnha es una ciutat antisemita...çò dison los facistas Israëlians e los sionistas.
Dins aquèl cas, un antisemita es qualqu'un que los Josieus extremistas aiman pas.

  • 11
  • 6

Escriu un comentari sus aqueste article