Actualitats
Pau aculhirà las Assisas de la Lenga Occitana los 14 e 15 de febrièr
L’eveniment rassemblarà d’universitaris, d'ensenhaires, d'elegits, de directors d’institucions, de tecnicians de collectivitats qu'òbran dins lo quadre de las politicas lingüisticas
Las Assisas de la Lenga Occitana auràn luòc a Pau (Bearn) los 14 e 15 de febrièr, amb la tòca de rassemblar d’universitaris, d'ensenhaires, d'elegits, de directors d’institucions, de tecnicians de collectivitats qu'òbran dins lo quadre de las politicas lingüisticas. Aquel rescontre cèrca de confrontar las diferentas problematicas dins los domenis de l’ensenhament, dels mèdias, de l’economia e de las politicas publicas, amb la tòca de prepausar de perspectivas pel desvolopament en Bearn.
Las Assisas de la Lenga Occitana son organizadas pel Movement Estudiant d’Occitània (Med’òc) de Pau, en partenariat amb l’Universitat de Pau e dels Païses de l’Ador, l’InÒc Aquitània e lo Congrès Permament de la Lenga Occitana (CPLO).
La conferéncia inaugurala la farà lo sòciolingüista alemand Georg Kremnitz, especialista de l’occitan e del catalan. Puèi se tendràn d'obradors e se’n presentarà las conclusions.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una aisina molt importanta es la tv. Dempuèi la Val Aran es podria emetre per una zona amplia del Bearn, part de Gascunya, l'Arietja,...e d'aquesta manièra evitar las proïbicions de l'estat mai centralista del mond.
#1 e gaire entendut geograficament devèrs l'èst occitan.
Un autre collòqui ansin a Marselha quora?
L'occasion de desvelopar encara mai vostra television en linha "octele" qu'es sostenguda per mantunas regions mas qu'a pas encara d'antena a Tolosa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari