Actualitats
An creat un robòt capable de pollinizar las flors
Los cercaires asseguran que la tòca d’aquel dròne tot pichon es pas de remplaçar las abelhas mas que poiriá completar lor trabalh
Una còla de scientifics de l’Universitat Politecnica de Varsòvia a creat un robòt nomenat B-Droid que, coma una abelha, es capable de pollinizar. S’agís d’un dròne tot petit qu’es capable de trobar una flor, n’amassar lo pollèn e lo transferir amb suènh dins una flor femenina de la meteissa espècia per la fertilizar. Lo primièr prototipe es estat assajat amb succès e, doncas, s’es ja obtenguda la primièra pollinizacion robotica.
L’idèa, que sembla l’argument d’un dels darrièrs capítols de la sèria britanica de television Black Mirror, es eissida del chepic causat per la rapida descreissença de la populacion d’abelhas.
Los recercaires assolidan que lor robòt cèrca pas de remplaçar las abelhas mas que poiriá completar lor trabalh. En mai d’aquò, aquel petit dròne pòt ajudar la natura d’una faiçon intelligenta car se pòt programar per trabalhar dins una zòna determinada o solament amb un tipe precís de flors.
L’universitat polonesa se metrà ongan a fabricar los primièrs prototipes e anóncia que dins dos ans se produirà industrialament.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Seria pas mai simple de votar de leis interdisent un còp per totes e pertot dins lo mond l'usatge de las poisons que fan crebar las abelhas, e de n'injectar dins las venas de los qu'an presas d'accions en borsa per sostenir lo cnonsòrci internacional dels fabricants de pesticidis ?
Qué volètz per nòstres enfantons ? Un mond amb d'abelhas e de parpalhòls, de flors salvatjas e d'arbres divèrses, o un mond de robòts estèrles subre e culturas cancerigènas per continuar d'enricassir a n'espertar de la codena un ponherat d'amòris ja claufits de moneda ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari