Actualitats
China durcís la seguretat sus la frontièra tibetana per combatre lo separatisme
La nòva regulacion aprovada concernís los pòrts terrèstres e las zònas comercialas frontalièras. Tibet confronta amb Birmania, Índia, Botan e Nepal
Lo govèrn chinés a durcit las mesuras de seguretat a la frontièra de Tibet a causa de “la creissenta incidéncia d’activitats separatistas e terroristas”, çò rapòrta Global Times.
La nòva regulacion aprovada concernís los pòrts terrèstres e las zònas comercialas frontalièras, totjorn segon lo mèdia estatal chinés. La tòca es que las autoritats localas assumiscan mai de responsabilitats sul contraròtle frontalièr e cèrquen la collaboracion ciutadana.
“La regulacion frontalièra actualizada ofrís una basa legala per combatre las potencialas activitats terroristas dins l'avenidor e pensada per la creissenta dobertura de Tibet”, çò expliquèt Wang Chunhuan, josdirector de l’Institut Teoretic del Marxisme de l’Acadèmia de las Sciéncias Socialas de Tibet (TASS), qu'a participat a la redaccion de las nòrmas.
Tibet, que China ocupa despuèi 1950, a de frontièras amb Birmania, Índia, Botan e Nepal.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Separatistes? Doncs que si es volen separar, que se'n vagin, quin problema hi ha ?
Es el mes natural, si algú vol marxar se'n va i prou, i si a mes té motius, encara mes.
I alló de possar ponts...no, si s'ha fet ant mal millor no te sentit posar coses que no uneixen res.
Visca la terra...Lliure!
L'Ernest, "El Tàrrega".
La lenga del Tibet es oficial, tamben lo govern propi tibetan. L'unica cosa es que forman part de l'Imperi Chinès. Coma si nosaltres fossim independents e formassim part de la UE o de l'euro.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari