Actualitats
Bascoat Nòrd: an eliminat totes los panèls en basco de l’autoestrada
Après la privatizacion de l’estrada, Vinci a remplaçat totes los panèls bilingües per de panèls unicament en francés
Una de las reüssidas del movement basquista es estat justament la preséncia de la lenga dins tota la senhaletica estradièra. Mas, ailàs, l’autoestrada que va de Baiona a Samas (Bascoat) a perdut sa senhaletica en basco. La societat Vinci a remplaçat totes los panèls, qu’èran bilingües en francés e basco, per de panèls unicament en francés, çò rapòrta France Bleu.
Lo departament dels Pirenèus Atlantics vendèt aqueles 12 Km d’autoestrada a la societat Vinci al simbolic prètz d’un èuro. Òr, la societat privada a fach “de trabalhs de remesas a las nòrmas autoestradièras” en installant una senhaletica unicament en francés.
Lo Partit Nacionalista Basco (EAJ-PNV) a plangut aquel fach, del temps que l’observatòri dels dreches lingüistics Behatokia denóncia una violacion d’aqueles dreches. France Bleu tanben precisa que i a pas de recors juridic possible, car la sola lenga oficiala de l’estat francés es la pròpria de la region de París. Pasmens, Vinci afirma qu’a l’intencion d’installar de panèls bilingües dins l’avenir, sens donar de data.
HEDU (Hizk. Esk. Dekl. Unib.) eta @protokoloa-n aiptzen denez, hizk. komunitate orok toki-izenak bere hizkuntzan erabiltzeko eskbidea du pic.twitter.com/KrC6MWVGUs
— Hizk. Esk. Behatokia (@behatokia) 5 de gener de 2017
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo fotut Choninet lo regent de la corona, hi passet e arrebasset los panels en bascoat. Chovinet vai ten a cagar !
Beleu que la region va s'en rebrembar o soscara a dos cops avans de causir aquesta entrepresa que mespresa sos estajants per un novel obratge...
France Bleu tanben precisa que i a pas de recors juridic possible, car la sola lenga oficiala de l’estat francés es la pròpria de la region de París : donc, lo solet mejan de cobrar una senhaletica en euskara es l'independéncia. E es França que nos fòrça a i venir…
Paure Leonardo da Vinci, lo sieu nom, trepejat dins la fangassa…
Seràn remplaçats per de panèls en occitan gascon de Bais Ador.
Non, es per se rire... O contunhar batèsta?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari