Dijòus passat, la Cort de Cassacion francesa, qu’es lo pus naut tribunal de la Republica, estimèt que la nocion d’amic suls rets socials “remanda pas  a de relacions d’amistats dins lo sens tradicional del tèrme”. Aquela senténcia seguís la demanda d’un avocat que voliá rebutar plusors membres  de la Cort d'Apèl de París d’una procedura judiciària en afirmant qu’èran d’amics d’una de las partidas, pr’amor qu’èran amics sus Facebook.
 
La Cort de Cassacion precisèt que “l’existéncia de contactes entre aquelas diferentas personas sul web sufís pas a caracterizar una parcialitat particulara, puèi que lo ret social es simplament un mejan de comunicacion especifica entre doas personas que partejan los meteisses centres d’interès”. Per tant, considèra que se pòt pas metre en question l’imparcialitat dels membres del tribunal solament pr’amor qu’èran d’amics de Facebook d’una de las partidas.
 
Delà aquel afar concret, la justícia francesa ven de participar al vièlh debat sus s’òm pòt considerar coma d'amics los amics de Facebook.