Actualitats
Lo labèl de David Bowie a publicat per suspresa sas tres darrièras cançons e un videoclip
Se presentèt dimenge passat, a l’ocasion del setanten anniversari de l’artista que, uèi, fa un an que moriguèt
Uèi fa un an que moriguèt David Bowie, victima d’un càncer. Aquel trist anniversari es arribat amb una estonanta publicacion del labèl discografic del grand musician londinenc. S’agís de las tres darrièras cançons que compausèt lo cantaire pel musical Lazarus, qu’èran ineditas, e tanben del videoclip d’una d’aquelas cançons.
Aquelas tres cançons, entitoladas No Plan, Killing A Little Time e When I Met You, las publiquèt Parlophone dimenge passat a l’ocasion de l’anniversari de l’artista, qu’auriá pres setanta ans.
Las cançons son estadas coproduchas per Tony Visconti e enregistradas amb los meteisses musicians que trabalhèron dins Blackstar, lo darrièr disc de Bowie, Blackstar, e son lançadas dins un nòu EP nomenat No Plan.
Parallèlament a tanben espelit lo videoclip de No Plan, realizat per Tom Hingston, que podètz veire çai jos:
Podètz puèi escotar l’EP No Plan que lo labèl discografic de Bowie lancèt dimenge per commemorar son setanten anniversari:
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari