Actualitats
Marselha: se debat de l’avenidor de l’occitanisme
Plusors collectius se son amassats per “trobar de solucions concretas per lo desvolopament de l’occitan en Provença e alhors”
S’amassèron dissabte passat, 7 de genièr, a Marselha per debatre de l’avenidor de l’occitanisme. Los locals de l’Ostau dau País Marselhés (OPM) aculhiguèron mai de 35 personas, mai que mai de Provença, engatjadas dins la promocion de l’occitan, dont de representants de divèrsas estructuras e associacions de l’occitanisme coma l’Institut d’Estudis Occitans (IEO), l’Assemblada Nacionala Occitana (ANÒC), lo Partit Occitan (PÒC), Iniciativa per Occitània (IPO), lo Partit de la Nacion Occitana (PNO) e lo quite OPM.
“Baissas de subvencion generalizadas, remesa en causa de la pluralitat dau movement per de collectivitats, confiscacion dau nom «Occitanie» per la region centrala… en tres oras de debats, nombrós fuguèron lei subjèctes evocats”, çò ditz lo comunicat de l’OPM. S’escambièt d’experiéncias e de constatacions, e se prepausèt plusors proposicions, “coma far avalorar leis arguments occitanistas amb de novèus documents pedagogics e rapòrts d’expertesa, tornar pensar lei relacions amb la premsa o encara organizar d’accions simbolicas (o mai largas) per la defensa dei drechs de l’occitan”.
Enfin an anonciat qu’aquel trabalh contunhariá dins las setmanas avenidoiras, “totjorn amb l’objectiu de trobar de solucions concretas per lo desvolopament de l’occitan en Provença e alhors”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Republica Federala Occitana (RFÒc) presenta a l'acamp de Marselha, sostenguèt la propoasta de far una grana manifestacion Anem Òc a Marselha. La region de Lengadòc auguèt 5 grani manifestacions Anem Òc a Carcasson (2 còups), Besièrs, Tolosa e Montpelhièr. Si pensam que Provença necessita un sosten foart de toi lu occitans d'Occitània tota per far acapir que Provença es tanben Occitània e que lo provençau es d'occitan. La Region Provença Aups País Nissart a dividit per doi li subvenvions ai Calandretas d'Aurenja e Gap perque considera que non respecton la "pluralitat lingüítica" e d'un autre costat la Region dona 500 000 € au Collectiu Prouvènço per crear un Observatòri dau Provençau en la vila de Chivau Blanc. Si devèm mobilizar per cambar aquesta situacion vergonhoa.
Cal s'amassar, parlar e tamben cercar los felibres, se aquestes volen pas hi anar almenhs haver-los convidat. Que manque pas la finesa entre tots los defensaires de la nostra lenga.
#3
Amic, vos cal pas escotar aquelis òmes de marrida fe.
Avètz lo miu sosten.
Visca l'Òme Vèrd, Quetzacoatl e lo Crist cosmic!
Lo poton dempuèi lo vaixèl de la Verge Maria
PS: E votatz per ieu !
Lachaud, n'as pas ton pron de renar per ren ?
Jornalet far passar ua informacion que li avèm mandada, perque li sèmbla important de dire que l'aviá 40 personas que s'acampèron pendent 3 oras per debatre de l'occitanisme.
Jornalet es un mèdia e pas un movement politic. Es pas a Jornalet de crear lo debat, es ai militants occitans. Jornalet es aqui per aculhir, sostenir e difusir aqueu debat. La nuància es importanta.
Comprèni pas ta darriera remarca. Es completament fòra subjècte.
I a pas crisa de l'occitanisme mas crisa tot simplament daus occitanistes que fugissan las realitats.
I aura pas pron de comunicaction? mas si commençavam per la comunicacion dins Jornalet. Jornalet nos infòrma qu'i aguet en Provença una reunion per parlar de l'avenidor de l'Occitanisme e quò es tot..
Si Jornalet es pas capable de far un desbat sur aquel problem e ben es condemnat. Sera considerat coma un jornau que fai de las rubricas de chens esbolhats.
Lo problem es pas culturau; es politic. L'òm parla pas una lenga si sert mas a far lusir una cultuta copada de sas raiçs economicas, socialas, istoricas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari