Un nòu tractament experimental comença d’èsser una reüssida dins lo tractament del càncer del cervèl e aquò s’esperava pas. Lo nòu metòde consistís a ensenhar al còrs malaut a destruire melhor sas pròprias moleculas que pòrtan lo càncer. Mercés a aqueste nòu sistèma, un malaut qu’aviá aqueste tipe de càncer a pogut viure encara mai d’un an maugrat un glioblastòma amb metastasi, çò es la fasa terminala d’aquesta mena de càncer. Los resultats del tractament son estats publicats dins la revista estatsunidenca New England Journal of Medicine.
Aquesta nòva tecnica medicinala, doncas, a pogut, fin finala, èsser demostrada e la polemica que i aviá a son entorn se pòt considerar mai o mens coma barrada. Los resultats sus un malaut son pas definitius e la sciéncia medicala o sap mas cap tractament en aquesta fasa del càncer del cervèl aviá pas agut de succès fins a uèi lo jorn. E doncas aqueste estudi e sos resultats son estats recebuts per la comunautat medicala de la planeta tota amb fòrça optimisme. De mai, que lo malaut encara siá viu après un periòde de temps tan long coma un an tanben fa èsser moderadament optimistas los scientifics qu’an realizat l’estudi.
Una tecnica nòva
Aqueste nòu sistèma aplicat sus aqueste malaut consistís a ensenhar als globuls blancs a combatre melhor las cellulas que ja pòrtan lo càncer. E cossí s’es arribat de far aquò ? La tecnica introducha èra ja estada assajada dins d’autres càncers, coma los de la sang, tanben apelats leucemia. Mas encara èra pas estada experimentada dins de càncers del cervèl e se pensava que podiá pas plan capitar. E mai sus un malaut de 50 ans que ja aviá subit de cirurgia, de quimioterapia e de radioterapia sens succès.
La metastasi del gliobastòma –una mena de càncer cerebral qu'evoluciona lèu-lèu–- foguèt doncas la rason màger que menèt los mètges a aplicar aqueste nòu sistèma. E o caliá far pr’amor que los autres tres tractaments avián pas agut nat succès e la tumor cerebrala contunhava de s'espandir. Après qualques meses, la pronostica del malaut èra fòrça reservada. E foguèt alavetz que l’Institut de Recèrca Beckman dels Estats Units decidiguèt d’agir. La còla que i trabalhariá auriá coma cap lo doctor Benham Badie e foguèt decidit de li aplicar lo sistèma de l’immunoterapia.
Segon los scientifics, per poder trabalhar amb aqueste sistèma cal modificar lo sistèma immunitari del malaut e ensenhar a sos linfocits T a destruire las cellulas tumoralas. Aquesta estrategia es tanben coneguda jol nom de CAR-T. Après una extraccion d’aquestes linfocits del malaut son reprogramats geneticament e aital aprenon a destruire las marridas cellulas infectadas pel càncer. Puèi son tornarmai introduches dins lo malaut près dels ventriculs, luòc ont lo liquid cefaloraquidian es produch. (Legissètz la seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Aquesta nòva tecnica medicinala, doncas, a pogut, fin finala, èsser demostrada e la polemica que i aviá a son entorn se pòt considerar mai o mens coma barrada. Los resultats sus un malaut son pas definitius e la sciéncia medicala o sap mas cap tractament en aquesta fasa del càncer del cervèl aviá pas agut de succès fins a uèi lo jorn. E doncas aqueste estudi e sos resultats son estats recebuts per la comunautat medicala de la planeta tota amb fòrça optimisme. De mai, que lo malaut encara siá viu après un periòde de temps tan long coma un an tanben fa èsser moderadament optimistas los scientifics qu’an realizat l’estudi.
Una tecnica nòva
Aqueste nòu sistèma aplicat sus aqueste malaut consistís a ensenhar als globuls blancs a combatre melhor las cellulas que ja pòrtan lo càncer. E cossí s’es arribat de far aquò ? La tecnica introducha èra ja estada assajada dins d’autres càncers, coma los de la sang, tanben apelats leucemia. Mas encara èra pas estada experimentada dins de càncers del cervèl e se pensava que podiá pas plan capitar. E mai sus un malaut de 50 ans que ja aviá subit de cirurgia, de quimioterapia e de radioterapia sens succès.
La metastasi del gliobastòma –una mena de càncer cerebral qu'evoluciona lèu-lèu–- foguèt doncas la rason màger que menèt los mètges a aplicar aqueste nòu sistèma. E o caliá far pr’amor que los autres tres tractaments avián pas agut nat succès e la tumor cerebrala contunhava de s'espandir. Après qualques meses, la pronostica del malaut èra fòrça reservada. E foguèt alavetz que l’Institut de Recèrca Beckman dels Estats Units decidiguèt d’agir. La còla que i trabalhariá auriá coma cap lo doctor Benham Badie e foguèt decidit de li aplicar lo sistèma de l’immunoterapia.
Segon los scientifics, per poder trabalhar amb aqueste sistèma cal modificar lo sistèma immunitari del malaut e ensenhar a sos linfocits T a destruire las cellulas tumoralas. Aquesta estrategia es tanben coneguda jol nom de CAR-T. Après una extraccion d’aquestes linfocits del malaut son reprogramats geneticament e aital aprenon a destruire las marridas cellulas infectadas pel càncer. Puèi son tornarmai introduches dins lo malaut près dels ventriculs, luòc ont lo liquid cefaloraquidian es produch. (Legissètz la seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Entenut tot escàs, mes ne sèi pas mei on : "Ua medecina alternativa eficaça, qu’ei medecina, e pro"…
Lo combat n’ei pas "medecina modèrna" contra "tradicion". Mantrun remèri "inventat" per las subercompanhias farmaceuticas que vien de la seuba amazoniana o congolesa; mantrun principi actiu qu’ei estat descobèrt mercés aus sabers ancestraus deus guaridors. Quan siin tots morts e sii acabada la deforestacion, la sciéncia triomfanta que’us seguirà de près.
Tanben, quan am besonh de mei de tecnologia entà adobar las malahèitas de la tecnologia, be i a quauquarren de mei o de mensh. Ne son pas los guaranis ni los pigmèus qui lhèvan crumassas d’esmòg autorn de las capitalas polluidas dab perturbators endocrins, nanoparticulas, metaus pesucs e autes cancerogèns.
non pas se batre de-longa la colpa que nostra civilizacion seriá la pus marrida dau monde e que los guerissèires de l'Amazonia nos levarián totas las malautiás amb sas plantas miraclosas, benissen la sciéncia modèrna, aquela que dins de laboratoris e amb d'equipas medicalas fan miranda e nos semondon quauquas annadas de vida suplementàrias
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari