CAPÇALERA PAIS INVISIBLE

Actualitats

PoliticaInternacional

Trump permet pas qu’un jornalista de la CNN li pause de questions

“Tu non, ta companhiá es terribla”, çò diguèt lo president estatsunidenc dins sa primièra conferéncia de premsa al jornalista de la CNN. Aquela cadena aviá raportat que Russia aviá d’informacions confidencialas sus el

Lo president elegit dels Estats Units, Donald Trump, faguèt ièr sa primièra conferéncia de premsa dins una espèra extrèma e, coma d’abitud, daissèt pas degun indiferent. Al correspondent de la CNN dins l'Ostal Blanc, Jim Acosta, li permetèt pas de pausar cap de question. “T’ai dich que non, e siás pas descortés. Tu escrives de nòvas falsas”, çò li diguèt Trump en donant lo torn de paraula a un autre jornalista.

 

Aquel refús de las questions dels jornalistas de la CNN es degut a l’informacion qu’aquela cadena publiquèt, çò es que Russia auriá d’informacions confidencialas per far de cantatge al nòu president estatsunidenc. Trump crei qu’aquelas informacions an pas de sens, “es quicòm que jamai auriá pas calgut aver escrich”. Per el, es una taca sus la CNN e o publicar es digne de “gents malautas”.








Jornalet es possible gràcias al sosten economic e jornalistic dels legeires e benevòls. Se podètz sosténer en venent sòci dels Amics de Jornalet o de l’associacion ADÒC, contribuiretz a far un mèdia mai independent e de melhora qualitat.

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Jig
10.

#8 E que pòdetz pocejar tà capvath dinc arribar en China, que son e que seràn tostemps HÈITS. Los hèits ne son pas opinions, que son la realitat. Que’s foten que’us àimitz on non.

  • 0
  • 0
"Tàrrega" Igualada (PP.CC.)
9.

Si tot ha d'anar així, aquest home, ho fotrà enlaire tot en quatre dies.
Però com es pot ésser tant...
Que no s'adona, del que està fent? Quan li falta per provocar un cataclisme?
Crec que no es pot ésser tan ruc, només caldrà veure'l quan hagi de recapacitar.
M'entres:
Visca la Terra...Lliure!
L'Ernest, "El Tàrrega".

  • 0
  • 0
Jig
8.

#7 Poceja que pocejaràs, pocejaire : aquò que son hèits. Faches. Fets. Facts. Des faits. Hechos confirmats per la premsa mainstream & independenta, de dreta & d’esquèrra: cèrca e que trobaràs.
Exemples :
— Trump admet lo ròtle de Russia hens lo piratatge arron un briefing : https://www.youtube.com/watch?v=-SHrmSjbROc (Fox News, canau conservatritz)
— Pompeo sus la Russia : https://www.youtube.com/watch?v=n1Qnm9lY5g0
— Mattis sus la Russia : https://www.youtube.com/watch?v=kpZ8ARZxg2w
Ne sufeish pas de pocejar la realitat tà que daishi d’existir (lhevatz peus trumpistas e peu Tea-Party, of course).

  • 0
  • 1
Jig
7.

#3 CNN n’a pas « hèit » aquèra novèla, qu’a raportat la soa publicacion e lo hèit averat que Trump e Obama èran estats assabentats sus aqueth rapòrt de 35 paginas peus servicis de rensenhaments.
La publicacion qu’estó deu sit Buzzfeed, qui n’a pas inventat o hargat lo document e qui a mentavut a’u publicar que las allegacions aquiu dehens n’èran pas verificadas ni confirmadas.
Lhèu ne sauràn pas jamei çò que i a de vertadèr o de mensongèr dens aqueth rapòrt (dobtós e mau agergat), mes los jornalistas qu’an simplament mentavut la soa existéncia.
—
Lo Trump medish, qui deneguèva l’implicacion de Russia en quauque "hacking", que l’a admetuda despuish assabentat peus escotaploja: çò qui l’an revelat entà qui cambièssi atau de gatons? Be calè qu’avossin arguments deus solides entà’u convéncer, de tant qu’ei nhòc l’òmi.
—
Tà çò de las relacions dab Russia, los quites candidats tau govèrnament Trump, per eth causits (James Mattis, Secretari de la Defensa; Mike Pompeo, capdau de la CIA) que considèran Potin com ua miaça e qu’ac an dit clarament pendent la loa audicion davant lo Congrès lo 12 de genèr.

  • 0
  • 2
pjm romega
6.

#2
insulta ende responder a la critica ? Trump ne hèi pas d'aute biaish...

mandarèi après la conferéncia de redactors, beròi, quand la linha editoriala sii decidida.

  • 1
  • 4

Escriu un comentari sus aqueste article