Actualitats
Un refugiat de Somalia ven lo nòu ministre de l’immigracion de Canadà
Ahmed Hussen arribèt en Canadà en 1993, quand aviá 16 ans e en condicion de refugiat
Lo primièr ministre de Canadà, Justin Trudeau, a nomenat Ahmed Hussen ministre de l'immigracion, dels refugiats e del ciutadanatge, en tot remplaçar John McCallum qu’ara vendrà ambaissador de Canadà en China.
Hussen arribèt en Canadà en 1993, quand aviá 16 ans e en condicion de refugiat, e ara s’es engatjat a ofrir son “experiéncia coma immigrant” mas tanben coma avocat dins los afars de migracion, e tanben coma persona “qu’a trabalhat plusors annadas coma activista e defensor de la comunautat”, çò rapòrta CBC.
Lo director executiu de l’Associacion d’Ajuda als Immigrants Somalians, Mahad Yusef, a celebrat la decision de Trudeau de menar Hussen dins son gabinet. “Es una nòva plan bona per nòstra comunautat”, çò a dich.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo Canadà qu’a ua cultura deu compromés dab ua societat multicuturau e totun laïca. Au contra deus USA on 0% deus membres deu Congrès admeten estar "shens religion", ni en Ottawa ni a Quebèc non pausan questions religiosas aus deputats. N’empacha pas que dauvuns se proclamin credents, mes aquò n’interèssa pas de rèsta aus ciutadans. Las questions religiosas que son debatudas com las autas en cercant "acomòdaments rasonables", dab resultats qui’ns pòden agradar o non (en un compromés democratic n’ei pas possible d'acontentar a totòm, tostemps). Lo debat que pòt estar ahuecat mes, en generau, qu’a lòc shens isteria ni violéncia.
Los "people", politicians, monde de la cultura, etc. ne son pas desconnectats; que’us encóntratz soent per carrèras, au cafè, a l’especieria, e que’us pòdetz anar de cap e disputejar de çò qui vólhitz, quan serén ministres en pè.
L’accession de Hussen a la soa carga, e la soa istòria personau, qu’atèstan qu’ei possible d‘integrar shens aver d’esvalisar a tot hòrt la mei quita "diferéncia" culturau.
#1
Disètz : «lo Canada onte triomfla lo comunautarisme».
Es lo contrari, qu'aquò temonha justament d'una brava mesclanha... son vòstres comentaris que totjorn van dins lo sens dau comunautarisme... paure òme !
una bona novèla per la comunautat somali onte regna la tirania pus abjècte sota lo regard impavid d'Allah e una marrida per lo Canada onte triomfla lo comunautarisme e ben lèu , se contunha ansin,la bandiera negra triomflarà
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari