Al Jazira (Al Jazeera) emetèt diluns passat de ser un debat en dirècte sus l’independéncia de Catalonha dins lo programa “The Stream”, entitolat “Adieu Espanha?”
“Serà, Catalonha, lo nòu estat europèu venent? Un milion e mièg de catalans sortiguèron per carrièras a Barcelona la setmana passada per demandar l’independéncia”: aital comença de dire la cadena. Per ne parlar, convidèt un deputat d’Esquèrra Republicana de Catalonha (ÈRC) al Congrès espanhòl, Alfred Bosch, una professora d’economia de l’Universitat de Georgetown, Clara Ponsanti, e un professor de l’Universitat de Toronto, Carles Muntaner. Dempuèi uèi, lo debat ja se pòt veire en vidèo.
Lo sit web del programa, al delà d’ofrir lo vidèo, acompanha l’informacion amb un vast reportatge, qu’expausa las donadas del deficit fiscal e l’evolucion creissenta de l’independentisme, segon las donadas del Centre d’Estudis d’Opinion. Tanben i ajonh lo documentari “Spanish secret conflict”, sus l’independéncia de Catalonha.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sovent es coma aquò. Avem las informacions mai neutras gràcias als mèdias exteriors. Aquelos mèdias qu'an ges de besonh de contrarotlar l'informacion perqué lors interesses pòrtan ren especificament sus lo subjeit que pàrlan. Mercés al Al Jazira.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari