Actualitats
Un deputat curd menaçat de mòrt e arrestat al Parlament de Turquia per aver denonciat la repression de son pòble
Aquò arribèt lo mes de mai passat, e lo comitat catalan de solidaritat amb Curdistan ne publiquèt lo vidèo fa qualques jorns
Ferhat Encu es un deputat curd del Partit Democratic Popular (HDP) al Parlament turc. Lo comitat catalan de solidaritat amb Curdistan (KurdisCat) a difusat lo vidèo d’una intervencion qu’Encu i faguèt lo mes de mai de l’an passat, ont se pòt veire lo tractament que recep de qualques deputats.
Dins son intervencion, Encu relata la situacion del pòble curd e denóncia la repression d’Ankara contra son pòble. Après la primièra reaccion de qualques parlamentaris, que l’acusan de “terrorista” e li dison qu'es “un òme mòrt”, a la fin es quitament lo president del Parlament que lo menaça de mòrt e n’ordena l’arrestacion al sen del sèti del poder legislatiu. Lo deputat de l’HDP foguèt detengut en novembre amb d’autres deputats e de dirigents de son partit, dins l’encastre d’una ofensiva anticurda del govèrn turc.
Dins son intervencion, Encu relata la situacion del pòble curd e denóncia la repression d’Ankara contra son pòble. Après la primièra reaccion de qualques parlamentaris, que l’acusan de “terrorista” e li dison qu'es “un òme mòrt”, a la fin es quitament lo president del Parlament que lo menaça de mòrt e n’ordena l’arrestacion al sen del sèti del poder legislatiu. Lo deputat de l’HDP foguèt detengut en novembre amb d’autres deputats e de dirigents de son partit, dins l’encastre d’una ofensiva anticurda del govèrn turc.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquò, si qu'es d'informacion democratica e occitanocatalana ! Plan mercés al Jornalet.
Enlòc mai suls medias majoritaris francofòns non avèm pas ausit parlar d'aquel escandal dictatorial, digne d'un partit genocidari d'a plen pres en delicte flagrant de censura dictatoriala. E aquò constituís en se un autre escandal, europèu aqueste. Los laires erradicators de nacions sens estat d'entreconeisson e se sostenon… Davant un fait atal, lo silenci val complicitat e assentiment, aprobacion.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari