Actualitats
Violenta repression del pòble mapuche en Argentina
Demandavan que los abitants dels dètz pòbles amerindians de la zòna poguèsson utilizar los servicis del tren per rompre lor isolament
Lo dimars 10 de genièr de gendarmas de la polícia argentina intrèron e reprimiguèron violentament la comunautat mapuche Pu Lof, dins la província de Chubut (1700 km de Buenos Aires). Los mapuches revendicavan lo drech d’usatge del tren “La Trochita,”, que dusca fa 20 ans prestava sos servicis al pòble, mas qu’ara se destina exclusivament a far de percorses toristics.
S’agís d’un camin de fèrre que travèrsa de tèrras disputadas dempuèi los ans 2000 entre los mapuches e l’entrepresa textila italiana Benetton, la mai granda proprietària de tèrras d’Argentina, ont possedís près de 10 000km². Los mapuches denoncièron que Benetton s’aproprièsse illegalament 536 ectaras abitadas per sa comunautat, a Chubut. Las tèrras foguèron tornadas als mapuches en març de 2015.
Fa gaire, los mapuches demandavan que los abitants dels dètz pòbles amerindians de la zòna poguèsson utilizar los servicis del tren per rompre lor isolament. A mai, volián èsser assabentats cada còp que lo tren “La Trochita” anariá far son percors a travèrs de las tèrras que lor apartenon. Lo govèrn de la província o acceptèt pas e interrompèt tot dialòg. En consequéncia, los mapuches bloquèron lo camin de fèrre.
Soraya Maicoñia, de la comunautat Pu Lof, denoncièt al jornal argentin Página/12 lo fach que los policièrs “intrèron ja en tirant de còps de fuòc, batèron los òmes, manotèron las femnas, o rompèron tot. I aviá près de 200 policièrs e dos drònes per reprimir una comunautat de dètz adultes e cinc enfants”.
Lo resultat de las accions de la polícia foguèt de dos ferits grèus e de mai de dètz personas arrestadas. A un dels ferits, Emilio Jones, li tirèron de balas de cauchó a brutlamostacha e li caldrà passar per una reconstruccion de la maissa. Sonia Ivanoff, avocada dels mapuches, a partejat l’impresionant imatge d’Emilio ferit sus son compte de Twitter.
La violéncia desproporcionada contra los mapuches a descadenat una intensa reaccion en Argentina e endacòm mai. Una pagina de Facebook demanda, non sens ironia, que lo mond se solidarizen amb los mapuches: “Te pausères lo drapelon de França [sus ton perfil] quand patiguèt un atemptat; ara son a reprimir de mapuches: te presenti lor drapèu”.
Thiago Mòri
S’agís d’un camin de fèrre que travèrsa de tèrras disputadas dempuèi los ans 2000 entre los mapuches e l’entrepresa textila italiana Benetton, la mai granda proprietària de tèrras d’Argentina, ont possedís près de 10 000km². Los mapuches denoncièron que Benetton s’aproprièsse illegalament 536 ectaras abitadas per sa comunautat, a Chubut. Las tèrras foguèron tornadas als mapuches en març de 2015.
Fa gaire, los mapuches demandavan que los abitants dels dètz pòbles amerindians de la zòna poguèsson utilizar los servicis del tren per rompre lor isolament. A mai, volián èsser assabentats cada còp que lo tren “La Trochita” anariá far son percors a travèrs de las tèrras que lor apartenon. Lo govèrn de la província o acceptèt pas e interrompèt tot dialòg. En consequéncia, los mapuches bloquèron lo camin de fèrre.
Soraya Maicoñia, de la comunautat Pu Lof, denoncièt al jornal argentin Página/12 lo fach que los policièrs “intrèron ja en tirant de còps de fuòc, batèron los òmes, manotèron las femnas, o rompèron tot. I aviá près de 200 policièrs e dos drònes per reprimir una comunautat de dètz adultes e cinc enfants”.
Lo resultat de las accions de la polícia foguèt de dos ferits grèus e de mai de dètz personas arrestadas. A un dels ferits, Emilio Jones, li tirèron de balas de cauchó a brutlamostacha e li caldrà passar per una reconstruccion de la maissa. Sonia Ivanoff, avocada dels mapuches, a partejat l’impresionant imatge d’Emilio ferit sus son compte de Twitter.
La prueba d la represion contra los miembros del Lof Resistencia Mapuche. Asi fue llevado al Hospital el lamngen Emilio. BASTA DE REPRESION! pic.twitter.com/BFTvpPcBxL
— Sonia Ivanoff (@ivanoff_sonia) 12 de gener de 2017
La violéncia desproporcionada contra los mapuches a descadenat una intensa reaccion en Argentina e endacòm mai. Una pagina de Facebook demanda, non sens ironia, que lo mond se solidarizen amb los mapuches: “Te pausères lo drapelon de França [sus ton perfil] quand patiguèt un atemptat; ara son a reprimir de mapuches: te presenti lor drapèu”.
Thiago Mòri
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Els haurien de fotre a ells les garrotades.
Tota la vida igual, desde que hi van anar els espanyols que allò es un desastre.
Esperem que un dia marxin o canviïn...molt!
Visca la Terra...Lliure!
L'Ernest, "El Tàrrega".
La resisténcia dei Mapuches data pas d'ièr ailàs. Quanta volontat ten aquel pòple ! Lo fau sostene.
Lo govern de dretas argentin demostra sa brutalitat atacant a la paura gent que defensa lo pauc que han. Una accion covarda contra indigenas indefensos. Una actitut qu' es pas propia de personas criatianas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari