Actualitats
Lo govèrn de Catalonha explicarà lo referendum independentista al Parlament Europèu
Puigdemont, Junqueras e Romeva assolidaràn qu’en Catalonha i a una majoritat sociala e politica que vòl aquel referendum e mai se l’estat espanhòl refusa de negociar
Lo govèrn de la Generalitat de Catalonha explicarà lo referendum d’independéncia al Parlament Europèu a Brussèlas lo 24 de genièr que ven, çò rapòrta l’ACN.
Una delegacion compausada del president, Carles Puigdemont, del vicepresident, Oriol Junqueras, e del conselhièr dels afars exteriors, Raül Romeva, explicarà als èurodeputats, diplomatas e jornalistas que la majoritat del Parlament de Catalonha vòl pachar aquel vòte amb l’estat espanhòl del temps que denonciaràn que lo govèrn d’Espanha accèpta pas de negociar. Los representants catalans profecharàn de l’escasença per donar un messatge de fisança a Euròpa, en remarcant la vocacion europeïsta catalana, çò precisa Gepolítica.cat.
Contunhar de far partida de l’Union Europèa
La tòca es mai que mai d’explicar a Euròpa e a la premsa internacionala qu’en Catalonha i a una majoritat sociala e politica que vòl aquel referendum. En mai d’aquò, reïteraràn la volontat de contunhar de far partida de l’Union Europèa après l’independéncia de Catalonha e Aran, en explicant qu’aquel afar deu pas destabilizar Euròpa.
Una delegacion compausada del president, Carles Puigdemont, del vicepresident, Oriol Junqueras, e del conselhièr dels afars exteriors, Raül Romeva, explicarà als èurodeputats, diplomatas e jornalistas que la majoritat del Parlament de Catalonha vòl pachar aquel vòte amb l’estat espanhòl del temps que denonciaràn que lo govèrn d’Espanha accèpta pas de negociar. Los representants catalans profecharàn de l’escasença per donar un messatge de fisança a Euròpa, en remarcant la vocacion europeïsta catalana, çò precisa Gepolítica.cat.
Contunhar de far partida de l’Union Europèa
La tòca es mai que mai d’explicar a Euròpa e a la premsa internacionala qu’en Catalonha i a una majoritat sociala e politica que vòl aquel referendum. En mai d’aquò, reïteraràn la volontat de contunhar de far partida de l’Union Europèa après l’independéncia de Catalonha e Aran, en explicant qu’aquel afar deu pas destabilizar Euròpa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Parlem-ne. explicar a l'UE que volem ser una nacion coma qualsevol altra,amb sas institucions sobiranas que dependan pas ni de Madid ni de París ni de Roma,volem ser catalans. Siatz qui sotz. Aquesta era l'idea que haviem d'Europa ,que las nacions podrien ser liures.
l'Europa es en tren de se desgargalhar pauic a cha pauc, que saup pes empachar l'invasion deis immigrats, a ges de polititica comuna exteriora, nimai d'armada e un veto d'un,dei 28 estats que la compausan vai a l'encontre de tota normalizacion e de tot progrès : urosament dau president Trump que vou dissodre l'Otan-perqué europencs e americans l'an pas agut fach en 1991 quand dispareguèt lo tractat de Varsovia, la força militar de l'URSS e de sei satelitas ? èra un pas endavant pèr instaurar la patz, mai leis occidentaus an contunhat segons lo vièlh adagi "se vis pacem, para bellum" e lei ternsions amb la Russia de Potine venon d'aqui. Lei catalans qu'an patit dau franquisme volon d'Europa a boudre, coma leis estats baltas que son estats anexats per l'URSS; Ara, veirem se Brusselas voudràn aceptar en son sen una Catalonha o una Escossa independenta coma l'an agut fach per leis estats eissits de l'ex-Iogoslavia e lo Kosovo sota l'ala tutelària deis Estats-units e de l'otan qu'an bombardejat de mes de temps la Serbia sensa faire de victimas , a , èra pas coma amb Bachar-el-Assad encuei, lo dolent, lo marrit, coma a Mossol o au Iemen, quand leis avions de la coalicion bombardejan, li a ges de victimas colaterallas
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari