Las autoritats de Quirguizstan raportèron ièr la mòrt de trenta personas dins l’accident d’un avion marchand turc a l’aeropòrt internacional de Manas, al nòrd-oèst de Bishkek, la capitala del país.
 
Lo ministre de la santat, Talantbek Batiraliev, confirmèt que demest los mòrts se trobavan los quatre membres de l’esquipatge. E mai, cinc personas son feridas, dont tres menors d’edat, e son espitalizats.
 
L’avion, un Boeing 747, tombèt sus una zòna residenciala e destruguèt un quinzenat d’abitacions, segon lo ministèri de las urgéncias. Sembla que la majoritat de las victimas de l’accident serián los residents del luòc ont l’avion s’escrachèt, e puèi s’incendièt.
 
L’avion, proprietat de la companhiá Turkish Airlines, fasiá rota entre Hong Kong e Istambol e voliá far escala dins aquel aeropòrt.