Actualitats
Antonio Tajani es elegit nòu president del Parlament Europèu
L'italian del Partit Popular Europèu s'es impausat fàcia al socialista Gianni Pittella dins lo darrièr escrutini, e remplaçarà Martin Schultz coma president de l’Eurocambra
Lo candidat del Partit Popular Europèu (PPE), l’italian Antonio Tajani, es estat elegit nòu president del Parlament Europèu, en prenent sas foncions aqueste dimars 17 de genièr.
Après tota una jornada de votacion, Tajani s’impausèt fàcia a son rival, lo socialista Gianni Pitella, al quatren torn de l’escrutini qu’elegissiá lo successor de Martin Schulz. Tajani obtenguèt 351 vòtes en favor del temps que Pitella n’aguèt 282.
“Serai lo president de totes”, çò prometèt dins son primièr discors en afirmant que son programa es totjorn dobèrt perque el es partisan de las decisions pachadas per consens. Dins aquel sens insistiguèt per dire que sostendrà totes los eurodeputats de totes los partits. Vòl far de l’Eurocambra “una institucion mai democratica e dobèrta als ciutadans”.
Pasmens, l’eleccion d’Antonio Tajani es una rompedura de l’equilibri de fòrças que populars e socialdemocratas s’èran engatjats a tenir. Fins ara, lo PPE teniá la presidéncia de la Comission Europèa e del Conselh Europèu, del temps que los socialdemocratas del grop S&D avián lo Parlament Europèu dins la man de Martin Schulz. Despuèi dimars passat, los populars contraròtlan las tres institucions europèas màgers.
Après tota una jornada de votacion, Tajani s’impausèt fàcia a son rival, lo socialista Gianni Pitella, al quatren torn de l’escrutini qu’elegissiá lo successor de Martin Schulz. Tajani obtenguèt 351 vòtes en favor del temps que Pitella n’aguèt 282.
“Serai lo president de totes”, çò prometèt dins son primièr discors en afirmant que son programa es totjorn dobèrt perque el es partisan de las decisions pachadas per consens. Dins aquel sens insistiguèt per dire que sostendrà totes los eurodeputats de totes los partits. Vòl far de l’Eurocambra “una institucion mai democratica e dobèrta als ciutadans”.
Pasmens, l’eleccion d’Antonio Tajani es una rompedura de l’equilibri de fòrças que populars e socialdemocratas s’èran engatjats a tenir. Fins ara, lo PPE teniá la presidéncia de la Comission Europèa e del Conselh Europèu, del temps que los socialdemocratas del grop S&D avián lo Parlament Europèu dins la man de Martin Schulz. Despuèi dimars passat, los populars contraròtlan las tres institucions europèas màgers.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E ben, sèm polits! Totes los poder europencs a drecha tota! Es a dire en mans de mond complètament sords als degalhs de le globalizacion descabestrada sus de miliards de personas (milions en euròpa). Amb aquò se caldrà pas estonar se nos arriba una tièra de trumpadas dins los estats de l'UE.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari