Actualitats
L’armada nigeriana a bombardat “per error” un camp de refugiats
Lo massacre s’es tengut dins l’encastre d’una operacion contra lo grop terrorista Boko Haram. Segon MSF, i a 52 mòrts e 120 ferits
L’armada de Nigèria raportèt dimars passat qu'un de sos avions de combat aviá bombardat “per error” qualques civils e lo personal umanitari del Comitat Internacional de la Crotz Roja (CICR) e de Mètges Sens Frontièras (MSF) a Kala Balge, dins l’estat de Borno, dins l’encastre d’una operacion contra lo grop terrorista Boko Haram.
“Avèm recebut un rapòrt sus una concentracion de terroristas de Boko Haram a l'entorn de la zòna de Kala Balge de Maiduguri”, çò indiquèt lo general Lucky Irabor, comandant de las operacions dins aquela vila, segon çò que rapòrta l’agéncia d’informacions oficiala NAN. “Ieu ai coordonat e ai donat las instruccions que lo compausant aerian de l’operacion i deviá anar e abordar lo problèma”, çò apondèt. “Malastrosament, un còp que s’es realizat l’atac, s’es descobèrt que d'autres civils èran près de la zòna e se son vistes afectats”, çò apondèt.
Lo general confirmèt que i aviá agut “de mòrts e de ferits”, mas poguèt pas bailar un nombre total de victimas. “Ai pas encara lo nombre de civils mòrts, mas dos soldats tanben se son vistes afectats”, çò soslinhèt.
“Qualques emplegats de Mètges Sens Frontièras e del Comitat Internacional de la Crotz Roja tanben se son vistes afectats”, çò precisèt lo general, en indicant que l’armada aviá mandat d'elicoptèrs per “evacuar los que son grèvament nafrats, dont nòstres soldats”.
MSF rapòrta 52 mòrts
MSF confirma que se produguèt un bombardament de l’armada nigeriana sus “un camp de desplaçats intèrnes a Rann”. L’ONG precisa que son personal “an vist 120 ferits e 52 mòrts après lo bombardament”.
Lo personal d’MSF ensaja d’“ofrir d’ajuda de primièra urgéncia en estabilitzant los pacients per evacuar los ferits”, çò precisa l’ONG dins un comunicat de premsa..
L’organizacion a demandat a las autoritats nigerianas que fagan tot çò possible per facilitar l’evacuacion dels nafrats per tèrra o per aire, e a precisat que son personal dins los estats vesins de Cameron e de Chad son prèstes per aculhir de ferits. “Sèm en estrech contacte amb nòstras còlas, que son en estat de chòc après çò qu'es passat”, çò a indicat MSF.
“Avèm recebut un rapòrt sus una concentracion de terroristas de Boko Haram a l'entorn de la zòna de Kala Balge de Maiduguri”, çò indiquèt lo general Lucky Irabor, comandant de las operacions dins aquela vila, segon çò que rapòrta l’agéncia d’informacions oficiala NAN. “Ieu ai coordonat e ai donat las instruccions que lo compausant aerian de l’operacion i deviá anar e abordar lo problèma”, çò apondèt. “Malastrosament, un còp que s’es realizat l’atac, s’es descobèrt que d'autres civils èran près de la zòna e se son vistes afectats”, çò apondèt.
Lo general confirmèt que i aviá agut “de mòrts e de ferits”, mas poguèt pas bailar un nombre total de victimas. “Ai pas encara lo nombre de civils mòrts, mas dos soldats tanben se son vistes afectats”, çò soslinhèt.
“Qualques emplegats de Mètges Sens Frontièras e del Comitat Internacional de la Crotz Roja tanben se son vistes afectats”, çò precisèt lo general, en indicant que l’armada aviá mandat d'elicoptèrs per “evacuar los que son grèvament nafrats, dont nòstres soldats”.
MSF rapòrta 52 mòrts
MSF confirma que se produguèt un bombardament de l’armada nigeriana sus “un camp de desplaçats intèrnes a Rann”. L’ONG precisa que son personal “an vist 120 ferits e 52 mòrts après lo bombardament”.
Lo personal d’MSF ensaja d’“ofrir d’ajuda de primièra urgéncia en estabilitzant los pacients per evacuar los ferits”, çò precisa l’ONG dins un comunicat de premsa..
L’organizacion a demandat a las autoritats nigerianas que fagan tot çò possible per facilitar l’evacuacion dels nafrats per tèrra o per aire, e a precisat que son personal dins los estats vesins de Cameron e de Chad son prèstes per aculhir de ferits. “Sèm en estrech contacte amb nòstras còlas, que son en estat de chòc après çò qu'es passat”, çò a indicat MSF.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari