Actualitats
Obama a comudat la pena de Chelsea Manning abans de quitar l’Ostal Blanc
Manning passèt de desenats de milièrs de documents classificats a Wikileaks e foguèt condemnada a 35 ans de preson
Una de las darrièras decisions de Barack Obama, tres jorns abans de quitar la presidéncia dels Estats Units, es estada la comudacion de la pena de Chelsea Manning, condemnada a 35 ans de preson per aver passat sèt cents mila documents classificats del govèrn dels Estats Units, que l’organizacion WikiLeaks difondèt puèi. La decision d’Obama arribèt tres jorns abans que quitèsse l'Ostal Blanc. Uèi, 20 de genièr, Donald Trump pren lo cargue de president.
Chelsea Manning, nascuda Bradley Manning, èra analista d’intelligéncia de las Fòrças Armadas dels Estats Units e passèt a Wikileaks de documents classificats sus las guèrras d’Iraq e d’Afganistan, e d’autres documents ocasionèron una granda polemica internacionala quand foguèron publicats, en 2010.
Dins son jutjament, en julhet de 2013, Manning foguèt declarada absolguda del delicte d’aver ajudat l’enemic dins l’afar Wikileaks, çò que li evitèt d’èsser condemnada a perpetuitat, mas foguèt declarada colpabla dels autres dètz e nòu delictes que n’èra acusada. Manning foguèt arrestada en mai de 2010 e empresonada tres ans en esperant aquel jutjament. La mitat del temps lo passèt en essent estremada dins una cellula de 4,46 mètres cairats.
Pendent son procès, Manning demandèt perdon. “Me grèva d’aver greujat los Estats Units”, çò diguèt.
Chelsea Manning, nascuda Bradley Manning, èra analista d’intelligéncia de las Fòrças Armadas dels Estats Units e passèt a Wikileaks de documents classificats sus las guèrras d’Iraq e d’Afganistan, e d’autres documents ocasionèron una granda polemica internacionala quand foguèron publicats, en 2010.
Dins son jutjament, en julhet de 2013, Manning foguèt declarada absolguda del delicte d’aver ajudat l’enemic dins l’afar Wikileaks, çò que li evitèt d’èsser condemnada a perpetuitat, mas foguèt declarada colpabla dels autres dètz e nòu delictes que n’èra acusada. Manning foguèt arrestada en mai de 2010 e empresonada tres ans en esperant aquel jutjament. La mitat del temps lo passèt en essent estremada dins una cellula de 4,46 mètres cairats.
Pendent son procès, Manning demandèt perdon. “Me grèva d’aver greujat los Estats Units”, çò diguèt.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Al final ha fait una causa bona. Perquè el juntament amb l'Imperi ha estat l'inventor de l'EI.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari