Actualitats
Atemptat de Niça: las denóncias contra l’estat francés e la comuna classadas sens seguida
Lo procuraire considèra que “cen que si passèt lo 14 de julhet es lo fach dau terrorista e de degun autre”. Los demandants contèstan los dispositius de seguretat
La justícia francesa prendrà pas en compte las denóncias de las victimas de l’atemptat de Niça contra l’estat francés. Lo procuraire de la Republica de Niça decidiguèt dijòus passat de classar sens seguida las 23 denóncias depausadas contra l’estat e la comuna, çò rapòrta 20 Minutes. Lo procuraire considèra que “cen que si passèt lo 14 de julhet es lo fach dau terrorista e de degun d’autre”.
Demest las denóncias adreiçadas al procuraire de Niça, l’avocat dels parents d’un enfant assassinat dins aquel chaple, remarcava “lo defaut de mesa en plaça de contraròtles de la circulacion dei camions” a l’entorn del Camin dels Angleses, ont aquela mena de veïcul èra teoricament enebida. De remarcar tanben que la denóncia soslinha que “lo conductor dau camion èra anat onze viatges sobre lo Camin dei Anglés entre l’11 e lo 14 de julhet emb lo sieu camion de 19 tonas, en manobrant mai d’un còp”.
Ara los demandants pòdon pas que se constituir partida civila davant un tribunal correccional.
L’atemptat que lo patiguèt Niça lo 14 de julhet passat, ont un camion se roncèt contra la molonada en tuant 84 personas e en ne ferissent dos centenats, foguèt revendicat per l’autoproclamat Estat Islamic. L’enquèsta es estada instruida a París.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Crese que l'estat francès es responsable dels faits, car lo govern prenguet pas accions contra l'EI una vegada que ja havia atemptat a París. Va seguir mantenint una politica exteriora nula contra l'EI o encara a favor. Semblava que l'EI havia pas fait los atemptats e solament atacavan a Russia, prenguent sancions en contra,que mai sancions en contra. Coma se sabesson pas qual eren los terroristas. Per complicitat amb l'enemic l'estat es culpable.
cu auriá pogut pensar una sego,nda qu'aqueu camion s'entraïnava per complir la volontat d'Allah, de man dar ad patres lo mai de gènts possible en leis escrachant ? Res.. Compreni pas aquèu recors ai tribunaus e planh contra l'estat, coma se l'estat foguèsse un dieu tot-poderos capaç d'intervenir ont que siá coma que siá e que l'individù aguèsse plus ges de rason d'èstre, estat Moloc , nani !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari