Actualitats
An expulsat un deputat armèni del Parlament turc per aver dich lo mot “genocidi”
Garo Paylan senhalèt l’Empèri Otoman coma lo colpable del masèl e de la percaça d’armènis, d’assirians, de grècs e de josieus
Garo Paylan, lo deputat d’origina armènia del pròcurd Partit Democratic dels Pòbles (HDP), es estat expulsat pendent tres sesilhas del Parlament turc per aver dich lo mot “genocidi” dins l’encastre del debat de la reforma constitucionala.
Concretament, Paylan senhalèt l’Empèri Otoman coma lo colpable del masèl e de la percaça d’armènis, d’assirians, de grècs e de josieus. “Normalament representavan lo 40% [de la populacion]. Sèm ara a pena l’1 per mila. Sembla probable que quicòm nos arribèt. E ieu o definissi coma un genocidi”, çò diguèt lo deputat. Aquela partida del discors es estada eliminada del jornal de las sesilhas.
Fin finala, Garo Paylan aconselhèt d’aprene del passat e de cometre pas las meteissas errors a l’ora d’ara amb lo pòble curd. Lo deputat armèni es estat en divèrsas escasenças menaçat de mòrt per l’extremisme turc e es comparat amb Hrant Dink, lo jornalista turc d’origina armènia que foguèt assassinat fa dètz ans.
Coma o ditz lo deputat, e tanben son partit, aquela sancion es un fach sens precedent, que se passa pel primièr còp dins l'istòria. O considèran coma un darrièr avertiment abans que se produga una accion pus seriosa contra lo deputat, amb la tòca de far taisar la votz dels que s’opausan al discors oficial.
D’efièch, las autoritats turcas an arrestat dos centenats de membres de l’HDP, acusats d'aver de ligams amb lo Partit dels Trabalhadors de Curdistan (PKK).
Concretament, Paylan senhalèt l’Empèri Otoman coma lo colpable del masèl e de la percaça d’armènis, d’assirians, de grècs e de josieus. “Normalament representavan lo 40% [de la populacion]. Sèm ara a pena l’1 per mila. Sembla probable que quicòm nos arribèt. E ieu o definissi coma un genocidi”, çò diguèt lo deputat. Aquela partida del discors es estada eliminada del jornal de las sesilhas.
Fin finala, Garo Paylan aconselhèt d’aprene del passat e de cometre pas las meteissas errors a l’ora d’ara amb lo pòble curd. Lo deputat armèni es estat en divèrsas escasenças menaçat de mòrt per l’extremisme turc e es comparat amb Hrant Dink, lo jornalista turc d’origina armènia que foguèt assassinat fa dètz ans.
Coma o ditz lo deputat, e tanben son partit, aquela sancion es un fach sens precedent, que se passa pel primièr còp dins l'istòria. O considèran coma un darrièr avertiment abans que se produga una accion pus seriosa contra lo deputat, amb la tòca de far taisar la votz dels que s’opausan al discors oficial.
D’efièch, las autoritats turcas an arrestat dos centenats de membres de l’HDP, acusats d'aver de ligams amb lo Partit dels Trabalhadors de Curdistan (PKK).
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquel que diu las veritat per las amistats
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari