Actualitats
Najat Vallaud-Belkacem serà a Tolosa per signar una convencion quadre per l’ensenhament de l’occitan
Dijòus que ven, lo Ministèri de l’Educacion francés, cinc acadèmias e l’ÒPLO signaràn l’acòrdi per assegurar l’educacion publica de l’occitan a la mitat occidentala del país
Dijòus que ven, la ministra de l’educacion francesa, Najat Vallaud-Belkacem, serà a Tolosa per signar una convencion per l’ensenhament de l’occitan, çò rapòrta lo Blòg occitan de France 3. La convencion l’a escricha l’Ofici Public de la Lenga Occitana (ÒPLO) e aqueste l’a presentada a la ministra e a las cinc circonscripcions educativas, apeladas acadèmias. Lo tèxt assegura d’oraris normals a l’ensenhament de l’occitan, planifica una produccion e la distribucion de material pedagogic en lenga nòstra, pòrta de melhoraments als pòstes dels ensenhaires occitanofòns e a lors cerfificacions, e prevei la difusion dels ensenhaments de l’occitan o en occitan dins las escòlas publicas.
Aquò es una primièra e sens cap de dobte una reüssida de las bèlas per l’ÒPLO. Pasmens, s’aplicarà solament a la mitat occidentala d’Occitània, çò es dins los territòris ocupats per doas regions administrativas, la qu’a pres lo nom d’Occitània e la de Nòva Aquitània, es a dire Gasconha, Guiana, Lemosin e Lengadòc, franc dels parçans de Velai, de Vivarés e d’una partida de Gavaudan (l’airal de Sau). Demorarà fòra la convencion aquel tròç de Lengadòc e tanben Auvèrnhe, Daufinat e Provença, car las regions nomenadas Provença-Alps-Còsta d’Azur e Auvèrnhe-Ròse-Alps an pas volgut integrar l’ÒPLO. Aquò serà un ponch de deplorar a l’ora de signar la convencion.
De legir sul Blòg occitan de France 3: Une ministre, 2 régions, 5 académies… pour une langue.
Aquò es una primièra e sens cap de dobte una reüssida de las bèlas per l’ÒPLO. Pasmens, s’aplicarà solament a la mitat occidentala d’Occitània, çò es dins los territòris ocupats per doas regions administrativas, la qu’a pres lo nom d’Occitània e la de Nòva Aquitània, es a dire Gasconha, Guiana, Lemosin e Lengadòc, franc dels parçans de Velai, de Vivarés e d’una partida de Gavaudan (l’airal de Sau). Demorarà fòra la convencion aquel tròç de Lengadòc e tanben Auvèrnhe, Daufinat e Provença, car las regions nomenadas Provença-Alps-Còsta d’Azur e Auvèrnhe-Ròse-Alps an pas volgut integrar l’ÒPLO. Aquò serà un ponch de deplorar a l’ora de signar la convencion.
De legir sul Blòg occitan de France 3: Une ministre, 2 régions, 5 académies… pour une langue.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
JCF a rason : cal la preséncia obligatòria de totes los dasen, ien, provisors e principals per tant que totes aqueles encravatats pietadoses (que a 80% son contra l'ensenhament de l'occitan) comprenguèsson enfin quicòm!
Sabi pas s'es estat ja previst mas seriá bon de suggerir a las Dònas Rectritz e als Rectors de Tolosa, Montpelhièr, Bordèus ...de convidar TOTES los IA/DASENs e los IENs encargats de l'occitan amb obligacion de preséncia per assistir en dirècte a n'aquela signatura.
Disètz que lo tèxt assegura d’oraris normals a l’ensenhament de l’occitan ? Perqué, l'ensenhament de totas las disciplinas autras que linguisticas serà efectuat en occitan ??? Qué cal entendre per "d'oraris normals", segon quina santa puta de "normalitat". En França la normalitat, per una autra lenga que lo francés, es quand es a se morir plan planet…
Cal esperar e veser ?
Siam clars sus aquela convencion:
— suls objectius: PAS RES;
— sus la formacion dels ensenhaires: PAS RES;
— sul CAPES: PAS RES.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari