Actualitats
La nominacion de Trump a donat de vam a l’ultradrecha europèa que s’es amassada en Alemanha
Fàcia a las divèrsas eleccions que se tendràn en Euròpa en 2017, los lidèrs ultradrechistas d’Euròpa se reünisson dins un congrès marcat per l’antieuropeïsme e l’islamofobia
Un jorn après que Donald Trump foguèt vengut president dels Estats Units, los caps dels partits populistas, racistas e xenofòbs d’Euròpa s’amassèron a Coblença (Alemanha). Amb la tòca de començar lor campanha per las eleccions que se tendràn ongan als Païses Basses, en França, Àustria e Alemanha.
Lo congrès del grop Euròpa de las Nacions [vòlon dire Estats] e de las Libertats del Parlament Europèu amassèt per primièr còp l’ultradrechista francesa Marine Le Pen, l’islamofòb neerlandés Geerd Wilders e la cap d’Alternativa per Alemanha Frauke Petry.
Manifestèron lor desir que 2017 foguèsse “l’an del revelh de l’Euròpa continentala” en tot marcar un camin de seguir: lo Brexit e la victòria de Trump. Los discorses avián totes dos ponches en comun: l’antieuropeïsme e l’islamofobia.
Atal o manifestèt Marine Le Pen: “2016 es estat l’an ont lo mond anglosaxon s’es desvelhat. 2017 serà, ne soi segura, l’an del desvelh dels pòbles de l’Euròpa continentala. L’Union Europèa es venguda una religion. Rebat pas la diversitat; escomenja tota pensada diferenta e enebís tota critica del sistèma. Eles son los vertadièrs dogmatics, eles son los vertadièrs antidemocratas”.
Manifestacion de contestacion
L’eveniment foguèt contestat per de milièrs de manifestants que respondèron a la crida de divèrses sindicats, partits politics, glèisas e associacions progressistas. Dins la manifestacion se poguèt veire marchar ensems pel primièr còp los lidèrs de l’esquèrra e de la democracia crestiana alemandas.
Segon la polícia de Coblença, la manifestacion antifaissista amassèt tres milierats de personas, una donada que tripla lo nombre d’assistents al congrès ultradrechista.
Lo congrès del grop Euròpa de las Nacions [vòlon dire Estats] e de las Libertats del Parlament Europèu amassèt per primièr còp l’ultradrechista francesa Marine Le Pen, l’islamofòb neerlandés Geerd Wilders e la cap d’Alternativa per Alemanha Frauke Petry.
Manifestèron lor desir que 2017 foguèsse “l’an del revelh de l’Euròpa continentala” en tot marcar un camin de seguir: lo Brexit e la victòria de Trump. Los discorses avián totes dos ponches en comun: l’antieuropeïsme e l’islamofobia.
Atal o manifestèt Marine Le Pen: “2016 es estat l’an ont lo mond anglosaxon s’es desvelhat. 2017 serà, ne soi segura, l’an del desvelh dels pòbles de l’Euròpa continentala. L’Union Europèa es venguda una religion. Rebat pas la diversitat; escomenja tota pensada diferenta e enebís tota critica del sistèma. Eles son los vertadièrs dogmatics, eles son los vertadièrs antidemocratas”.
Manifestacion de contestacion
L’eveniment foguèt contestat per de milièrs de manifestants que respondèron a la crida de divèrses sindicats, partits politics, glèisas e associacions progressistas. Dins la manifestacion se poguèt veire marchar ensems pel primièr còp los lidèrs de l’esquèrra e de la democracia crestiana alemandas.
Segon la polícia de Coblença, la manifestacion antifaissista amassèt tres milierats de personas, una donada que tripla lo nombre d’assistents al congrès ultradrechista.
Hoy #Koblenz dice no a los partidos racistas y xenófobos convocados hoy allí.La solidaridad entre las personas debe primar siempre. #buntpic.twitter.com/vP1I9ynGos
— Marc Guerrero Conde (@_mark_warrior) 21 de gener de 2017
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Almenys això els petarà als morros, tanta tonteria es impossible que s'aguanti mes temps.
Crec que amb els seus arguments s'han cavat la pròpia fosa.
El temps dirà.
Visca la Terra....Lliure!
L'Ernest, "El Tàrrega".
Los nazis alemanhs e francesos feren la segonda guerra mondiala mataren a milions de persones. Trump acabarà amb los terroristas de l'EI e amb la guerra de Siria.
I a ren de fasciste dans çò que dich aqui. Quò es de l'economic; quò es tot. Quò es jornalet qu'a declarat qui a un europeanisme e un antieuropéanisme e lo meschant es l'antieuropéaniste.
Quò es lo retorn dau proteccionisme coma en China, en Russia e alhors. La drubertura de las frontieras quò es bian mas quò a pas fach de miraudias. L'Occident era sos la dominacion de las multinacionalas la mai duras dau monde coma los Clinton, los Bush, los Rotschild, Rockefeller que formava, si quò era pas un complòt, au mens una aliança plan solide sur l'eschina daus pòples e daus estats. Trump a benleu las mesmas idéeias mas a pas tant de poder. Marina Le Pen parla de liberacion de l'Euròpe e benleu a pas tòrt. L'avenir zo dira.
Marine Le Pen representa La Franca dau nòrd que cranha belcòp lo developament daus pais mediteranens e benleu la separacion entre Franca d'òc e Franca d'oïl que poria copar a Franca la rota vers lo sud. Quò es per aquò qu'alimenta l'antiislanisme.
Tant pis si l'esquerra mai la drecha an ren d'autres a proposar D'alhors son benleu tròp liadas a las multinacionalas per la corrupcion e los françes zo sentan mesme si an pas las pròbas.
Quauques chifres sur los Etats-Unis. Au lendeman de la guerra de 1945 la monada de reserva mondiala era garantida per de las reservas d'òr massif e lo PNB daus USA representava 50% daus PNB mondiau. Uei, lo dolar es pus garanti per ren dau tot e lo PIB daus USA representa que 15,6% dau PNB mondiau. Apres 1945 los USA eran la nacion creditriça dau monde e uei es lo pais lo mai endetat. La China contròtla uei 17,9% du PNB mondiau, a belcòp de reserve d'òr e a lo mai d'actifs creditor. Es per aquò que Trump atisa la rivalitat entre China e Russia.
Es bian de revar; lo desvelh sera pus dur.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari