Actualitats
Rugbi de XIII: la Copa Lòrd Derby cambiarà de proprietari
Dimenge de pluèja e dimenge de lagremas pels eliminats dels 1/8ns de la Copa de França
Alan Roch
Una Copa sens suspresa
Dòna Copa causiguèt ongan de respectar la ierarquia pel debanament dels 1/8ns de Copa.
Atal, al Molin, lo cap de fila del campionat, lo FC Lesinhan, eliminèt los detentors del trofèu: los jogaires de Sant Estève XIII Catalan (20-12).
A Carcassona, los Canaris afrontèron una valenta, dinamica e entrepreneira formacion avinhonenca: calguèt tres ensages a l’ora de jòc per faire plegar las volontats provençalas: 34-14.
La tresena confrontacion entre formacions d’Elèit 1 virèt a l’avantatge d’Albi suls Bròncos de Tolosa: 39-12.
Vilanòva s’anèt qualificar a Selon (DN1): 52-6 e Sent Gaudenç a Carpentràs (Elèit 2): 30-14.
Sus sa pelena, Vilafranca de Roergue eliminèt Ferrals de Corbièras 30-10 dins lo rescontre entre esquipas d’Elèit 2. Baò l’emportèt a Pujòls (DN1): 48-20.
La partida entre Palau e Limós foguèt anullada en rason de las condicions atmosfericas.
Tolosa es prèst
Dissabte, a Blanhac, lo Tolosa Olimpic (Championship) recebiá los Dragons catalans (Super-Liga). Los locals, mai en camba, l’emportèron 22-6 suls Dragons qu’expliquèron lèu-lèu que l’objectiu èra d’èsser prèstes per la recepcion de Warrington lo 11 de febrièr a Brutus.
Los Dragons reçaupràn los campions de Superliga Wigan aqueste dissabte 28 de genièr a Brutus, a 5 oras del vèspre, dins una partida amistosa.
Mai fòrt que Carnaval!
En Elèit 1, aquesta dimenjada represa del campionat amb a l’aficha: un rescontre dissabte entre Dragonets e Bròncos a Sant Estève; puèi, dimenge: Lesinhan-Albi, Sent Gaudenç-Palau, Avinhon-Vilanòva e, a l’Agulha, un novèl episòdi de las aventuras entre vesins, quicòm de tan fòrt coma los torns de la Plaça de la Republica per las fecas: una partida entre lo campion Limós e los vesins-fraires enemics de l’AS Carcassona.
Alan Roch
<br />
<br />
<a href="https://www.jornalet.com/socis" target="_blank"><img alt=“abonar los amics de Jornalet” id=“jonher los amics de jornalet” src="https://www.jornalet.com/imatges/images/SOCI.jpg" /></a>
Dòna Copa causiguèt ongan de respectar la ierarquia pel debanament dels 1/8ns de Copa.
Atal, al Molin, lo cap de fila del campionat, lo FC Lesinhan, eliminèt los detentors del trofèu: los jogaires de Sant Estève XIII Catalan (20-12).
A Carcassona, los Canaris afrontèron una valenta, dinamica e entrepreneira formacion avinhonenca: calguèt tres ensages a l’ora de jòc per faire plegar las volontats provençalas: 34-14.
La tresena confrontacion entre formacions d’Elèit 1 virèt a l’avantatge d’Albi suls Bròncos de Tolosa: 39-12.
Vilanòva s’anèt qualificar a Selon (DN1): 52-6 e Sent Gaudenç a Carpentràs (Elèit 2): 30-14.
Sus sa pelena, Vilafranca de Roergue eliminèt Ferrals de Corbièras 30-10 dins lo rescontre entre esquipas d’Elèit 2. Baò l’emportèt a Pujòls (DN1): 48-20.
La partida entre Palau e Limós foguèt anullada en rason de las condicions atmosfericas.
Tolosa es prèst
Dissabte, a Blanhac, lo Tolosa Olimpic (Championship) recebiá los Dragons catalans (Super-Liga). Los locals, mai en camba, l’emportèron 22-6 suls Dragons qu’expliquèron lèu-lèu que l’objectiu èra d’èsser prèstes per la recepcion de Warrington lo 11 de febrièr a Brutus.
Los Dragons reçaupràn los campions de Superliga Wigan aqueste dissabte 28 de genièr a Brutus, a 5 oras del vèspre, dins una partida amistosa.
Mai fòrt que Carnaval!
En Elèit 1, aquesta dimenjada represa del campionat amb a l’aficha: un rescontre dissabte entre Dragonets e Bròncos a Sant Estève; puèi, dimenge: Lesinhan-Albi, Sent Gaudenç-Palau, Avinhon-Vilanòva e, a l’Agulha, un novèl episòdi de las aventuras entre vesins, quicòm de tan fòrt coma los torns de la Plaça de la Republica per las fecas: una partida entre lo campion Limós e los vesins-fraires enemics de l’AS Carcassona.
Alan Roch
<br />
<br />
<a href="https://www.jornalet.com/socis" target="_blank"><img alt=“abonar los amics de Jornalet” id=“jonher los amics de jornalet” src="https://www.jornalet.com/imatges/images/SOCI.jpg" /></a>
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari