Actualitats
Eth Corrent Atlantic se poirie arturar
Lançar tant de dioxid de carbòni ena atmosfèra poirie afectar eth corrent oceanic atlantic, un corrent que cauhe era aigua en nòrd der Atlantic. Atau, païsi coma Anglatèrra o Islàndia serien fòrça mes heireds
http://sapiencia.eu/eth-corrent-atlantic-se-poirie-arturar/
Era situacion climatica semble que non ei guaire bona. Lançar tant de dioxid de carbòni ena atmosfèra poirie afectar eth corrent oceanic atlantic, un corrent que cauhe era aigua en nòrd der Atlantic. Maugrat qu’eth cambiament climatic non serie tan grèu coma diden quauqui filmes, era caduda des temperatures serie de 7 grads ena Euròpa deth Nòrd-Oèst e i aurie ploges generalizades en tota era planeta.
Er estudi ei hèt per ua còlha de scientifics dera Universitat de Yale (Estats Units) a travèrs d’ua simulacion climatica damb Wei Lu en cap. S’avien ja hèt ues simulacions climatiques que soslinhaven qu’era circulacion deth corrent atlantic resistirie a toti es cambiaments que i a aué ena atmosfèra. Mès calie hèr ua correccion, çò ei eth creishement de dioxid de carbòni actuau ena atmosfèra dera Tèrra.
Aquerò ei çò qu’an hèt es collègues de Wei Lu, crear ua simulacion extrèma entà veir s’es quantitats de dioxid de carbòni lançades ena atmosfera aué afectarien o non era circulacion deth Corrent Atlantic Nòrd. Damb eth doble des emissions de CO2 ena atmosfèra, eth corrent der Atlantic demorarie barrat pendent 300 annades, çò confirme era simulacion hèta per aqueri scientifics.
E maugrat qu’ua creishença tan grana de CO2 ena atmosfèra non ei realista, era nava simulacion confirme qu’eth corrent non ei tant estable coma se pensave. Atau ac an volut demostrar en estudi publicat ena revista online ScienceAdvances. Ara, vòlen utilizar ua simulacion mès realista entà predíder quin serà eth futur deth clima dera Tèrra.
Cau aver mès donades
Totun, es scientifics avertissen que entà poder hè’c, cau aver mès observacions e mès longues sus era circulacion deth Corrent Atlantic, çò ditz Gerald Meehl, un climatològ deth centre Nacionau entàra Recèrca Atmosferica de Boulder, Colorado. Es observacions, çò contunhe aqueth scientific, pòden ajudar entà hèr simulacions, mès es mès ancianes an solament 10 o 20 ans.
Eth Corrent Meridionau der Atlantic ei un gran corrent que circule en direccion nòrd e que comence en Atlantic Sud. Apròp de Groenlàndia vire, e es aigües heiredes quèn un aute còp en direccion deth sud. Aquerò hè qu’eth clima dera Euròpa der Oèst sigue mès caud e pòrte ploges en Atlantic enes airaus tropicaus.
Aver ua atmosfèra mes cauda hè es aigües mens denses e es ploges non quèn autant. Açò pòt hèr mès lent eth corrent. Damb simulacions anteriores era aigua ère mes salada e quège mes, mès era nòva simulacion ditz qu’açò non ei cèrt.
En tot hèr aquera nava simulacion scientifica Wei Lu e es sòns collègues an corregit era direccion deth corrent e an metut eth doble de concentracion de CO2 der an 1990. Atau poderen veir qu’eth corrent ère mès e mès caud e mès e mès lent. Atau, païsi coma Anglatèrra o Islàndia serien fòrça mes heireds.(Liegètz era seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quan temps haurà de passar mes abans de que recapacitem?
Visca la Terra...Lliure !
L'Ernest, "El Tàrrega".
#1 Lo recalfament climatic es una nocion globala : a la surfàcia de la planèta, globalament, las temperaturas montan. Significa que lo climat se modifica. Pòt fòrt plan èsser mai fred, o mai banhat, o mai sec, en quelque endreit o qualque autre. Mas globalament, la mejana de totas las temperaturas monta çaquelà.
Ja un còp èra , aviái legit quicòm de pròche , sus las consequéncias del escaufament climatic, qu'explicava que la fonda del glacièr groenlandés, e la liberacion de miliards de tonas d'aiga dolça anava blocar lo Gulf Stream e l' emachar de passar al ras d'Anglatèrra .
Que comprèni pas alara per de quclimatic es en realitat una glaciacion?
Una question plan malaisida de comprene! E de pausar!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari