Actualitats
Trump a signat l’òrdre de bastir lo mur sus la frontièra amb Mexic
Trump s’engatgèt dins sa campanha electorala a expulsar o encarcerar tres milions d’immigrants amb antecedents judiciaris
Donald Trump o a fach. Cinc jorns solament après sa presa de foncions, a signat l’òrdre de bastir lo mur sus la frontièra amb Mexic.
Ièr a 13h25 (19h25 en Occitània), l’Ostal Blanc anoncièt plusors òrdres executius, dont un decret que cèrca una aplicacion pus rigorosa de las leis sus l’immigracion, que conten de resorsas federalas per la bastison del mur, la restriccion dels visats e de l’intrada pels immigrants eissits de païses que “pairinan lo terrorisme”, coma Iraq, Iran, Siria, Iemèn, Sodan, Somalia o Libia.
Trump s’engatgèt dins sa campanha electorala a expulsar o encarcerar tres milions d’immigrants amb antecedents judiciaris, e prometèt de dreiçar un mur sus la frontièra amb Mexic, çò que provoquèt divèrsas disputas amb lo president d’aquel país, Enrique Peña Nieto.
L'Ostal Blanc anoncièt la dimenjada passada que totes dos s'amassarián lo 31 de genièr que ven. Serà una reünion que lo mur e la politica migratòria de Trump ne seràn los protagonistas.
Ièr a 13h25 (19h25 en Occitània), l’Ostal Blanc anoncièt plusors òrdres executius, dont un decret que cèrca una aplicacion pus rigorosa de las leis sus l’immigracion, que conten de resorsas federalas per la bastison del mur, la restriccion dels visats e de l’intrada pels immigrants eissits de païses que “pairinan lo terrorisme”, coma Iraq, Iran, Siria, Iemèn, Sodan, Somalia o Libia.
Trump s’engatgèt dins sa campanha electorala a expulsar o encarcerar tres milions d’immigrants amb antecedents judiciaris, e prometèt de dreiçar un mur sus la frontièra amb Mexic, çò que provoquèt divèrsas disputas amb lo president d’aquel país, Enrique Peña Nieto.
L'Ostal Blanc anoncièt la dimenjada passada que totes dos s'amassarián lo 31 de genièr que ven. Serà una reünion que lo mur e la politica migratòria de Trump ne seràn los protagonistas.
Big day planned on NATIONAL SECURITY tomorrow. Among many other things, we will build the wall!
— Donald J. Trump (@realDonaldTrump) 25 de gener de 2017
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Vergonha! Es pas amb una paret que las problèmas se melhoraràn!
Aqueste decolorat es un nèci!
#4 Perque far un mur a la frontiera mexicana ? E ben, per far concurréncia a Pekin, amb una granda muralha d'esquina…
#5 se trufar vos sembla bissè risolèir, mercès ende'u vòste umor.
e pendent que vos indignatz de çò que s'i passa de l'auta part de mar granda, quí parla de Robert Menard, de las mairias FN en Occitània, de la non campanha ridicula ende las presidencialas e las legislativas... desolat de repapiar, mès si degun vòu pas de comentari negatiu, perqué deishar aubèrta una seccion comentaris ?
Lo mur ja es mieg fait. Nomai cal far l'altra mieg per acabar-lo. Sempre val mai acò que far guerras imperialas.
#1 Occitània first ! Occitània first ! Occitània first !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari