Actualitats
Turquia: comença una campanha contra los assirians
Eiretièrs d’una de las civilizacions mai ancianas de l’umanitat, los assirians son majoritàriament crestians e foguèron tanben de victimas del genocidi de 1915
Lo cònsol de la vila d’Amed (en turc Diyarbakır), recentament nomenat pel govèrn del primièr ministre Yıldırım perque l’estat turc a destituit lo cònsol elegit democraticament, a donat l’òrdre de retirar l’estatua del Lammasu davant l’ostal de la comuna, dins l’encastre de la campanha qu’es a menar l’estat turc contra los assirians, çò rapòrta Geopolítica.cat.
L’estatua de la celèbra creatura aluda assiriana èra estada installada ailà per l’èx-cònsol del Partit Democratic dels Pòbles (HDP) en reconeissença a la comunautat assiriana. L’HDP —e mai s’es presentat de costuma coma un partit pròcurd— representa totas las minoritats de l’estat turc, dont los assirians. Istoricament, Diyarbakır es una vila assiriana mas a l'ora d'ara es poblada mai que mai per de curds.
La novèla de la retirada d’aquela estatua es arribada al parlament d’Ankara. Lo deputat HDP Erol Dora demandèt una explicacion al govèrn. Per ara, i a pas agut cap de responsa.
Lo mes passat, l’anciana glèisa assiriana de Sant Pèire e Sant Pau dins la vila d’Urfa foguèt convertida en un centre cultutal de la vila e sèti d’una escòla islamica de l’Universitat de Harran. Aquel fach èra presentat pel jornal The Armenian Weekly coma “un autre exemple d’intolerància contra la minoritat crestiana, car tre que la glèisa foguèt abandonada en 1924 pels assirians, que fugiguèron devèrs Alèp dins l’encastre de la persecucion turca, l’edifici istoric es estat emplegat per divèrsas foncionalitats, franc de sa tòca religiosa originala”.
Los assirians, eiretièrs d’una de las civilizacions mai ancianas de l’umanitat, son majoritàriament crestians, e foguèron tanben de victimas del genocidi de 1915. Dins aquel chaple se calcula que los otomans tuèron 1,5 milions d’armènis e 300 000 assirians. La populacion assiriana actuala dins l’estat turc es fòrça reducha e concentrada dins las grandas vilas, majoritàriament a Istambol. Son tanben una de las butas de l’autoproclamat Estat Islamic.
L’estatua de la celèbra creatura aluda assiriana èra estada installada ailà per l’èx-cònsol del Partit Democratic dels Pòbles (HDP) en reconeissença a la comunautat assiriana. L’HDP —e mai s’es presentat de costuma coma un partit pròcurd— representa totas las minoritats de l’estat turc, dont los assirians. Istoricament, Diyarbakır es una vila assiriana mas a l'ora d'ara es poblada mai que mai per de curds.
La novèla de la retirada d’aquela estatua es arribada al parlament d’Ankara. Lo deputat HDP Erol Dora demandèt una explicacion al govèrn. Per ara, i a pas agut cap de responsa.
Lo mes passat, l’anciana glèisa assiriana de Sant Pèire e Sant Pau dins la vila d’Urfa foguèt convertida en un centre cultutal de la vila e sèti d’una escòla islamica de l’Universitat de Harran. Aquel fach èra presentat pel jornal The Armenian Weekly coma “un autre exemple d’intolerància contra la minoritat crestiana, car tre que la glèisa foguèt abandonada en 1924 pels assirians, que fugiguèron devèrs Alèp dins l’encastre de la persecucion turca, l’edifici istoric es estat emplegat per divèrsas foncionalitats, franc de sa tòca religiosa originala”.
Los assirians, eiretièrs d’una de las civilizacions mai ancianas de l’umanitat, son majoritàriament crestians, e foguèron tanben de victimas del genocidi de 1915. Dins aquel chaple se calcula que los otomans tuèron 1,5 milions d’armènis e 300 000 assirians. La populacion assiriana actuala dins l’estat turc es fòrça reducha e concentrada dins las grandas vilas, majoritàriament a Istambol. Son tanben una de las butas de l’autoproclamat Estat Islamic.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Es tant simplàs ?
#6 Eth madeish Edouard Balladur(ian), neishut a Smirna, que disià (m'en brembi de ua entervista ara television) qu'era neishut a Izmir (sic) en Turquia.... Ja pòdes anar sus Wikipedia : biographie de Edouard Balladur.
#4 E lo balladur de que n'en dis el meteis ?
#4 E lo balladur de que n'en dis el meteis ?
#3 Eth hrair d'Edouard, Robert Balladurian, era ua personalitat publica d'era comunitat armènia de Marselha. Aciu que trobaratz un "talhat-pegat" d'era Wkpedia :
" Aux sources de cette famille smyrniote d'origine arménienne se trouve André Balladur, qui, en compagnie de quelques parents, avait fui le Nakhitchevan natal (alors majoritairement peuplé d'Arméniens). Convertis par des missionnaires dominicains, les Balladur y étaient devenus des catholiques romains, et les persécutions périodiques des Perses, qui disputent alors le Nakhitchevan à la Turquie, expliquent l'arrivée de la famille à Smyrne (actuellement dénommée İzmir)..."
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari