Lo president dels Estats Units, Donald Trump, a idèa, per mejan d’un impòst transfrontalièr, d’obligar Mexic de pagar lo mur que lo govèrn estatsunidenc vòl bastir sus la frontièra. Lo pòrtavotz de l'Ostal Blanc, Sean Spicer, a indicat que lo mur se pagarà amb una taxa doanièra del 20% sus totas las importacions que vengan de Mexic.
 
Per rapòrt als detalhs d’aquela nòva taxa, Spicer a solament precisat que farà partida de la reforma fiscala que lo govèrn de Trump vòl far, e qu'es previsible que lo sostenga un Congrès dominat pels republicans.
 
Pendent sa campanha electorala, Trump diguèt milanta còps que bastiriá lo mur per arrestar l'immigracion illegala, lo crime organizat e lo terrorisme. Dimècres, ja signèt l’òrdre executiu per lo bastir. En meteis temps, assolidèt la necessitat de tornar negociar lo NAFTA, lo tractat de liure comèrci entre los Estats Units, Mexic e Canadà, en menaçant de lo quitar. Una avertiment de bon creire, car la setmana passada abandonèt lo tractat de liure comèrci per l’Asia-Pacific, lo TTP.
 
 
Puèja la tension diplomatica amb Mexic
 
A la fin d’aquesta setmana a encara mai aumentat la tension diplomatica entre los Estats Units e Mexic. Donald Trump afirmèt sus Twitter que, se Mexic voliá pas pagar la bastison del mur, seriá melhor d’anullar la reünion amb lo president Enrique Peña Nieto, prevista per dimars que ven. Qualques instants puèi, lo president mexican comunicava a son omològ estatsunidenc sa decision de cancelar la reünion e de venir pas a Washington.
 
 

of jobs and companies lost. If Mexico is unwilling to pay for the badly needed wall, then it would be better to cancel the upcoming meeting.

— Donald J. Trump (@realDonaldTrump) 26 de gener de 2017

 

Esta mañana hemos informado a la Casa Blanca que no asistiré a la reunión de trabajo programada para el próximo martes con el @POTUS.

— Enrique Peña Nieto (@EPN) 26 de gener de 2017