Actualitats
Èra maridat, Jèsus?
Una istoriana estatsunidenca ditz qu’a descobèrt un fragment de l’evangèli ont Jèsus parla de la siá femna
Una istoriana de l’Harvard Divinity School de Massachusetts (Estats Units) a identificat un tròç de papir del sègle IV après lo Crist, escrich en còpte ancian, que podiá far partida d’un evangèli aprocrif. Lo tèxt conten una frasa que pòt relançar un debat dins lo cristianisme: Jèsus èra maridat o pas? Maria Magdalena èra la siá femna? La professora Karen L. King assegura que dins aquel fragment de l’evangèli qu’a descobèrt, Jèsus parla de la siá femna.
“La tradicion crestiana a considerat pendent longtemps que Jèsus èra pas maridat, malgrat que i a pas cap d’element istoric qu’o assolide”, çò ditz la cercaira dins un comunicat publicat per Harvard, e a l’encòp, que considèra qu’“aquel nòu evangèli pròva pas que Jèsus foguèsse maridat.”
Segon King, vers l’an 200 après lo Crist, se comencèt d’afirmar, a travèrs del teològ Clement d’Alexàndria, que Jèsus èra pas maridat. Per contra “aquel fragment suggerís que d’autres crestians de l’epòca afirmavan qu’èra maridat”.
L’analisi del fragment, qu’arribèt en mans de l’istoriana per un colleccionaire privat e qu’encara cal autentificar, se publicarà dins la revista teologica d’Harvard en genièr de 2013.
“La tradicion crestiana a considerat pendent longtemps que Jèsus èra pas maridat, malgrat que i a pas cap d’element istoric qu’o assolide”, çò ditz la cercaira dins un comunicat publicat per Harvard, e a l’encòp, que considèra qu’“aquel nòu evangèli pròva pas que Jèsus foguèsse maridat.”
Segon King, vers l’an 200 après lo Crist, se comencèt d’afirmar, a travèrs del teològ Clement d’Alexàndria, que Jèsus èra pas maridat. Per contra “aquel fragment suggerís que d’autres crestians de l’epòca afirmavan qu’èra maridat”.
L’analisi del fragment, qu’arribèt en mans de l’istoriana per un colleccionaire privat e qu’encara cal autentificar, se publicarà dins la revista teologica d’Harvard en genièr de 2013.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Se sap plan que lo Jèsus se maridèt amb la Maria de Magdala e que totes dos, de bracet, se retirèron dels afars a Rèna del Castèl per abarir fòra los projectors la mainada la qual faguèt discretament soca dels Merovengians, causa qu'arribèt òm sap pas coma a la coneissença de l'abat Saunièras que sachèt expleitar lo secret per la glòria màger de la Nauta Val d'Aude.
Maridat, lo Jèsus ? M'estonariá ! Amor a per lei Amor sonque, e se trufa ben pro del maridatge e de totas las convencions socialas…
Per contra, ai fe prigonda dins lo fait qu'el sabiá aimar la Dòna, e que per o li dire, li sabiái escriure e cantar un fum de Cants dels cants, abans de passar a la consecracion unificadoira d'entre lo cèl e la tèrra, per que sa "volontat se compligèsse tant sus la tèrra coma dins lo cèl". Un grand enamorat, mèstre d'Amor, qué… un fin entendedor !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari