Actualitats
Benoît Hamon serà lo candidat socialista a l’Elisi
Aqueste dimenge se tenguèt lo segond torn de l’eleccion primària per elegir lo candidat socialista a l’Elisi amb una participacion qu’a fòrça crescut a respècte del segond torn
Benoît Hamon serà lo candidat del Partit Socialista (PS) a l’eleccion presidenciala francesa. Hamon s’es impausat sus Manuel Valls per mai del 58% dels vòtes davant lo 41% aperaquí qu’a obtengut l’èx-primièr ministre. Dimenge passat, se tenguèt lo segond torn de l’eleccion primària per elegir lo candidat socialista a l’Elisi amb una participacion qu’a fòrça crescut a respècte del primièr torn.
Hamon demissionèt quand èra ministre de l’educacion pr’amor qu’èra pas d’acòrdi amb las politicas d’austeritat de François Hollande, e èra vengut lo favorit d’aquela eleccion primària segon los sondatges mai recents. Per contra, Valls es estat punit per la gestion impopulara de son govèrn coma primièr ministre d’Hollande.
Après las politicas pragmaticas e d’austeritat d’Hollande, sembla que los socialistas franceses aurián de besonh d’un pauc de pantais, que l’a portat Hamon amb un programa d’idèas nòvas coma una taxa suls robòts, la legalizacion del cannabis o lo revengut universal. De proposicions que Valls a jutjadas utopicas e impossiblas.
Mas lo PS es pas a son melhor moment. D’un costat, los sondatges auguran un marrit resultat a l’eleccion presidenciala del 23 d’abril que ven, e las divisions dintre lo partit aumentan. S’espèran de desercions devèrs lo candidat d’En Marcha, Emmanuel Macron, o devèrs l’esquèrra defenduda per Jean-Luc Mélenchon. De fach, qualques minutas après conéisser lo resultat de la primària, lo cònsol màger PS de Lion cridèt a votar Macron.
A l’ora d’ara, los sondatges preveson un segond torn de l’eleccion presidenciala entre la candidata ultradrechista, Marine Le Pen, e lo candidat drechista, François Fillon, que lo poiriá pasmens afectar lo darrièr escàndol pel presumit emplec fictiu de sa femna coma assistenta parlamentària. De tot biais, lo PS risca quitament d’èsser relegat a la quatrena o la cinquena posicion.
Segon un sondatge publicat ièr, fach per Kantar Sofres-One Point per RTL, Le Figaro e LCI, Marine Le Pen seriá en cap amb lo 25% dels vòtes, del temps que François Fillon e Emmanuel Macron obtendrián lo 22% e lo 21% al primièr torn.
Hamon demissionèt quand èra ministre de l’educacion pr’amor qu’èra pas d’acòrdi amb las politicas d’austeritat de François Hollande, e èra vengut lo favorit d’aquela eleccion primària segon los sondatges mai recents. Per contra, Valls es estat punit per la gestion impopulara de son govèrn coma primièr ministre d’Hollande.
Après las politicas pragmaticas e d’austeritat d’Hollande, sembla que los socialistas franceses aurián de besonh d’un pauc de pantais, que l’a portat Hamon amb un programa d’idèas nòvas coma una taxa suls robòts, la legalizacion del cannabis o lo revengut universal. De proposicions que Valls a jutjadas utopicas e impossiblas.
Mas lo PS es pas a son melhor moment. D’un costat, los sondatges auguran un marrit resultat a l’eleccion presidenciala del 23 d’abril que ven, e las divisions dintre lo partit aumentan. S’espèran de desercions devèrs lo candidat d’En Marcha, Emmanuel Macron, o devèrs l’esquèrra defenduda per Jean-Luc Mélenchon. De fach, qualques minutas après conéisser lo resultat de la primària, lo cònsol màger PS de Lion cridèt a votar Macron.
A l’ora d’ara, los sondatges preveson un segond torn de l’eleccion presidenciala entre la candidata ultradrechista, Marine Le Pen, e lo candidat drechista, François Fillon, que lo poiriá pasmens afectar lo darrièr escàndol pel presumit emplec fictiu de sa femna coma assistenta parlamentària. De tot biais, lo PS risca quitament d’èsser relegat a la quatrena o la cinquena posicion.
Segon un sondatge publicat ièr, fach per Kantar Sofres-One Point per RTL, Le Figaro e LCI, Marine Le Pen seriá en cap amb lo 25% dels vòtes, del temps que François Fillon e Emmanuel Macron obtendrián lo 22% e lo 21% al primièr torn.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sembla mai progressista.
Après las politicas pragmaticas e d’austeritat d’Hollande, sembla que los socialistas franceses aurián de besonh d’un pauc de pantais ? Non, mas, cal obrir un pauqueton los vistonets, filh de borre !!! Non es de pantais qu'a besonh lo socialisme europèu, mas de SOCIALISME.
A dreita, las bancas e la finança comandan als pòbles.
A esquèrra, las bancass e la finança venon al servici dels pòbles.
Valls e Hollande an servidas las bancas e la finançalha. E lo pòble venon de lor far pagar son antidemocratica traïson, ni mai, ni mens.
Es d'aqueste constat desesperadament realista qu'a besonh tot partit que se preten encara socialista : las bancas son al servici dels pòbles, e non pas çò contrari. Lor devèm pas res ! Sèm de ciutadans, pas d'esclaus !!! E lo quite Hamon, non soi segur que l'aja comprés e entendut a de bon.
De fach, qualques minutas après conéisser lo resultat de la primària, lo cònsol màger PS de Lion cridèt a votar Macron ? E alara, qué pròba, aquò, en defòra del fait que la lobatalha de dreita sortís del PS per passar a la finançalha ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari