Actualitats
Veire lo Canigó dempuèi Marselha
Lo massís catalan es mai que mai observable a la fin d’octòbre e a l’entorn del 10 de febrièr
Se pòt veire lo Canigó dempuèi Marselha se i a de bonas condicions metereologicas. Se fa freg e se i a una bona visibilitat dins lo Golf del Leon, la siloeta de la montanha catalana se pòt veire davant lo solelh, malgrat la distància de 260 quilomètres entre la cresta catalana e la Ciutat Focèa. Lo massís catalan es mai que mai observable a la fin de la davalada e durant l’ivèrn, mai que mai a la fin d’octòbre e a l’entorn del 10 de febrièr, que fòrça mond montan sus Nòstra Dòna de la Gàrdia per observar aquel fenomèn.
Lo darrièr imatge, pres lo 1r de novembre passat, se pòt veire sul sit canigou.allauch.free.fr
Lo darrièr imatge, pres lo 1r de novembre passat, se pòt veire sul sit canigou.allauch.free.fr
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Canigon, lo vesi ieu cada còp que, per temps de solelh, m'acamini per camps e per bosquets, del pichon país que i demòri estant, entremièg las aigas d'Arièja e de Leza ; e tanplan, pel meteis temps, quora me'n torni del trabalh. Los Pirenèus s'i desvelan del Pic de Canigon fins al Pic d'Arets a las confinhas de Bigòrra e Bearn. Quitament i pòdi apercebre Aragon, mercés al Massís del Mont Perdut — que perdut, donc, non o es tant qu'aquò.
E de Tolosa estant, se s'amaga lo Mont Perdut, totun se pòt reconéisser aisidament lo Pic d'Aneto al centre de la cadena montanhosa que jonh los quatre pòbles.
Mercès al solelh es pot veire dempuei la polida Marselha, Catalunya,
Se pòt pas dire puslèu ''Veire lo Canigó de Marselha enlà'' o ''Veire lo Canigó dins de Marselha'' ???
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari