Actualitats
Le Pen refusa de tornar al Parlament Europèu 340 051 èuros
La cap ultradrechista s’afronta a una sancion del burèu antifrauda de l’UE que l’acusa d’“aver versat indegudament” d’argent de l’eurocambra destinat a pagar d’assistents parlamentaris
La cap del Front Nacional e candidata ultradrechista a l’Elisi, Marine Le Pen, a refusat de tornar al Parlament Europèu aperaquí 300 000 èuros qu'aviá encaissats a Brussèlas amb la tòca de recrutar d’assistents parlamentaris. L’afar foguèt foguèt denonciat en octòbre passat pel Burèu Europèu de la Lucha contra la Frauda (OLAF).
Coma o publicava Le Figaro, Le Pen auriá degut tornar abans lo 31 de genièr l’argent exigit per l’OLAF. Senon, la cap francista e ultradrechista seriá estada sancionada per l’organisme. E ben, es lo cas. Marine Le Pen a pas tornat los sòus e refusa d’o far.
La revista Challenges publiquèt la setmana passada dos documents que demostravan que la cap del Front Nacional aviá ja recebut almens dos corrièrs de Brusselas qu’exigissián d’ela la restitucion de 298 497 èuros pels salaris "indegudament versats” a Catherine Griset, que compatibilizèt son salari coma assistenta parlamentària amb d’autras cargas d'importància dins lo partit. Griset es la cap del gabinet de Marine Le Pen.
L’OLAF comencèt aquela procedura en octòbre passat, per que Le Pen remborsèsse un total de 340 051èuros. Lo que recebèt pel salari “indegudament versat” a sa cap de cabinet, e tanben un total de 41 554 èuros que correspondon al salari de son gardacòrs, Thierry Légier, e que deu èsser restituit a Brussèlas abans lo 28 de febrièr.
La setmana passada, lo numèro dos del partit xenofòb, Florian Philippot, volguèt pas comparar l’afar de la filha de Jean Marie Le Pen, fondador del Front Nacional, amb lo de la femna del candidat drechista a l’Elisi François Fillon, Penelope Fillon, implicada dins un escàndol d’emplecs fictius a l’Assemblada francesa. Dins una entrevista autrejada a iTélé, Philippot defendèt Le Pen, que, segon el, “aviá pas fach servir d’un biais fictiu” aquel argent e per aquela rason auriá pas res ensajat pas d’amagar. Per el, “s'agís pas del meteis cas de figura”.
Ça que la, l’FN rèsta plan discret sus l’afar Fillon, per aquel motiu e per d’autres afars similars que publica Le Figaro.
Coma o publicava Le Figaro, Le Pen auriá degut tornar abans lo 31 de genièr l’argent exigit per l’OLAF. Senon, la cap francista e ultradrechista seriá estada sancionada per l’organisme. E ben, es lo cas. Marine Le Pen a pas tornat los sòus e refusa d’o far.
La revista Challenges publiquèt la setmana passada dos documents que demostravan que la cap del Front Nacional aviá ja recebut almens dos corrièrs de Brusselas qu’exigissián d’ela la restitucion de 298 497 èuros pels salaris "indegudament versats” a Catherine Griset, que compatibilizèt son salari coma assistenta parlamentària amb d’autras cargas d'importància dins lo partit. Griset es la cap del gabinet de Marine Le Pen.
L’OLAF comencèt aquela procedura en octòbre passat, per que Le Pen remborsèsse un total de 340 051èuros. Lo que recebèt pel salari “indegudament versat” a sa cap de cabinet, e tanben un total de 41 554 èuros que correspondon al salari de son gardacòrs, Thierry Légier, e que deu èsser restituit a Brussèlas abans lo 28 de febrièr.
La setmana passada, lo numèro dos del partit xenofòb, Florian Philippot, volguèt pas comparar l’afar de la filha de Jean Marie Le Pen, fondador del Front Nacional, amb lo de la femna del candidat drechista a l’Elisi François Fillon, Penelope Fillon, implicada dins un escàndol d’emplecs fictius a l’Assemblada francesa. Dins una entrevista autrejada a iTélé, Philippot defendèt Le Pen, que, segon el, “aviá pas fach servir d’un biais fictiu” aquel argent e per aquela rason auriá pas res ensajat pas d’amagar. Per el, “s'agís pas del meteis cas de figura”.
Ça que la, l’FN rèsta plan discret sus l’afar Fillon, per aquel motiu e per d’autres afars similars que publica Le Figaro.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Coma poden donar los de l'UE tants de diners a personas tan pauc fiables coma son los fachas.
#1 la nocion d'obligacion prima aquela de drech, que li es subordonada e relativa. un drech non es eficaç d'esperse (de par lui même), mai soncament per l'obligacion en de qué corresponde... : ansin comença lo libre de Simone Weil "l'enracinement" escrich en 1943 publicat post mortem en 1947, qu'es sota-titulat "prélude à une déclaration des devoirs envers l'être humain" vaquita per leis idèas generalas, per quant au problèma de l'assistanat parlamentària, siegue cau suprimir lei somas d'argent legalas que li son consacradas, siegue laissar pissar lo merinos-raça de feda que pissa tots-temps e lo deputat o senator qu'es un bon paire engatjarà per assistent son filh e sa filha e s'es un bon espos balharà aqueu posta a sa femna e s'es un fin politic -e lo son totis- embaucharà un ome o una femna de son propi partit politic e non pas dau partit adversa e per lo trabalh que fai aquel assistent, per ara, li a ges de comptur per lo mesurar. Marine Le Pen a rason de pas vouguer remborsar e Filhon se defende mau : deurriá metre en avant sei vertuts de pater familias e d'espos modèl que dona sa becada a sa nisada
E ben ! De quante costat que se virem, n'i a per dire dals politicians ! Après Dray, Ayrault, Cahuzac a gaucha, aquí la drecha emb de Fillon, Le Pen e... N'ai oblidat. Mena meneja !
E quand pense que n'i a que fan passar la gaucha per d'ànjons e la drecha per de demònis...
L'article que nos es presentat es pas neutre, que çai se parla per exemple de "lo numèro dos del partit xenofòb". Es au monde de jutjar se aquò's un partit xenofòbe e als istorians non ideologizats.
Ieu, acuse los partits que se succediguèron despuèi Giscard d'aveire montat l'alhòli dau FN. Coma ?
- Emb de contunhar de laissar creire au mite de la França etèrna dinc una França totjorn aitant centralizada ;
- emb de laissar la situacion socioeconomica se poirir un pauc mai chasca an ;
- emb de negar la paraula d'una part dau pòple que vesiá venir de causas, perque viviá ja dinc sa vida vidanta de chanjaments sociaus e culturaus que la fasiáun soncir ;
- emb de laissar las libertats endividualas créisser despanseladas mai en fasent passar la morala per constrencha e passadisme.
Saique cresètz qu'a gaucha e a drecha o son pas xenofòbes o racistas ?
Cresètz que de naturalizar pendent mai de 30 ans d'estrangièrs que venon faire lo sanla òbra que los ciutadans francés vòlon pas pus faire, aquò es respectar l'Autre ?
E recampar queles immigrats dinc los memes barris en laissant una ponhada de bandits i faire la lei de per las armas , la dròga mai emb d'aculir a còps de rèbles los pompièrs, es aquò s'ocupar dals novèls venguts ?
Entreténer de lònga un discors sus l'occidentau persecutor e lo nòrd-african victimizat, es aquò voldre la patz entre los enfants de la... "maire patria" ?
Saupre que l'economia dau país vai chorrant e enfantilizar la populacion dals barris populars en mudant plan-plan la politica de solidaritat en politica d'assistanat, es aquò voldre lo melhor per sos enfants pus desfavorizats ?
Far creire au monde qu'an sustot de drechs mès parlar a sota-votz de lurs devers, aquò es bien responsable ?
E quand òm vei ce que se ganha per retirada una veusa de minaire, me demande quant son pagats los que se batiáun per aqueles quites minaires qu'èron pas pagats eles quand chaumavan.
Sens parlar dals que vòlon montar una entrepresa mès que se veson refusats per las bancas, dau temps que los sobrestructuras comercialas elas mancan pas de florir de pertot !
E aqueles autres que revendican la Libertat d'Expression en dessinhant un Maumet escolhandrat, un Papa esquiulant una religiosa o ben encara un deputat alsacian (emb d'una tèsta de pòrc) saludant un deputat alemand vestit de SS, es aquò la Libertat ? I a pas d'autre biais de criticar ?
Quicòm mai : lo còrs desnusat de la femna de lònga vendut per las reclamas, per carrièiras e per los panelasses a broa de despartamentala, es aquò benlèu lo respèct e la liberacion de la femna ?
E los parents que laissan sos joves e sas jovas anar au licèu vestits de mèstre-nadaire per los uns e vestidas de cagòlas, desbagarnadas per las autras, es una educacion quò d'aquí ?
E la violença, l'espectacle de la mòrt de contunha sus las cadenas de television, aquò's un exemple civilizacionau ?
E nòstre endividualisme endemic que vai creissent a la vila coma au campèstre, lo clanisme, la manca de reaccion e de solidaritat quand un dals nòstres se fai ensultar per lo pelòt o violentar per carrièiras... Polida mentalitat !
Que non ! D'aquí enlai parlessiam pas pus de "libertat a la francesa", que nòstra libertat es venguda licença. Parlessiam pas de nacion francesa, de pòple occitan o sai pas de qué : sèm pas venguts qu'enfants chapinharèls, jalós los uns dals autres, sadols de confòrt materiau, aculturats, que pensam solament de virar l'aiga chascun a son molin. Pietós ! Dolorós mai...
Tanben, m'anessiatz pas parlar, se vos plai, de drecha o de gaucha, encara mens dals extrèmas emb d'un Mélenchon nostalgic amai fanatic de Revolucion Francesa e la familha Le Pen nostalgica dau mite francés e vendeira de mònles "blanc, franchimand, catolic, cambajon".
E ara, lo totalitarisme islamic que s'acampa, ensajant de bastir una societat parallèla en Euròpa en esperant de veire espelir quauque jorn lo califat que recampariá l'omma.
Fant de puta, que sèm mau montats dinc aquel país !
Es per aquò que dise :
au monde qu'an lo coratge d'escobilhar de lurs paraulas lo politicament corrècte ;
au monde liure qu'an pas besonh forçadament de se revendicar de son partit o de sa religion per èstre e per dire ;
au monde que savon préner un peçuc de tot per se construrre un esperit critic ;
au monde qu'an pro d'eime per destriar aquò objectiu d'aquò convengut d'avança ;
au monde que fan pas de propaganda mièja-esconduda dinc lurs comentaris mès que savon prepausar, que savon èstre mesurats, que savon espinchar las situacions emb de pragmatisme e responsabilitat sens oblidar las valors umanas essencialas per lo "viure ensems" ;
au monde que savon entendre las veritats, los fachs, e reçaupre lo viugut dals autres sens los jutjar au capitau,
e ben qu'aqueles aguèsson pas paur d'EXISTIR mai de çai S'EXPRIMIR dinc Jornalet amai en defòra !
Per acabar, se los politics an prumièrs d'èstre exemplaris (perque grandament responsables) e capables de tornar enventar la democracia EMB DALS CIUTADANS, los ciutadans eles mai an de s'aplicar devers amai morala en mai de lurs drechs : question de justa mesura per una societat, non pas perfècta, mès pus armoniosa. Quau que siágue o pòt compréner quò d'aquí.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari