Actualitats
Facebook se met a la television
Lo ret social es a preparar una aplicacion de television en streaming amb de contenguts pròpris
Lo ret social Facebook es a trabalhar sus una nòva aplicacion per reproduire de vidèos en “streaming” sus d’aparelhs Apple TV e Chromecast e que se centrariá sul modèl de “vidèo sus demanda” amb sos contenguts pròpris.
L’aplicacion, qu’encara ne sabèm pas lo nom ni la data de lançament, serviriá pas solament coma supòrt per reproduire los contenguts publicats pels usatgièrs, mas comprendriá tanben una plataforma exclusiva de vidèo en streaming, çò rapòrta The Wall Street Journal.
En mai d’aquò, lo ret social cèrca d’acòrdis amb las principalas societats productrises de television e vòl realizar sos contenguts pròpris, tant de varietats coma d’espòrts, amb de vidèos d’almens 10 minutas.
Un profièch de 70 miliards de dolars
Facebook es a preparar aquela aplicacion dempuèi longtemps e ara a decidit de far de concurréncia a de societats coma Netflix, HBO e quitament Amazon. Sa tòca principala es de traire de profièch amb la publicitat, que, segon los expèrts, poiriá far ganhar a Facebook aperaquí 70 miliards de dolars.
L’aplicacion, qu’encara ne sabèm pas lo nom ni la data de lançament, serviriá pas solament coma supòrt per reproduire los contenguts publicats pels usatgièrs, mas comprendriá tanben una plataforma exclusiva de vidèo en streaming, çò rapòrta The Wall Street Journal.
En mai d’aquò, lo ret social cèrca d’acòrdis amb las principalas societats productrises de television e vòl realizar sos contenguts pròpris, tant de varietats coma d’espòrts, amb de vidèos d’almens 10 minutas.
Un profièch de 70 miliards de dolars
Facebook es a preparar aquela aplicacion dempuèi longtemps e ara a decidit de far de concurréncia a de societats coma Netflix, HBO e quitament Amazon. Sa tòca principala es de traire de profièch amb la publicitat, que, segon los expèrts, poiriá far ganhar a Facebook aperaquí 70 miliards de dolars.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Podrian ajudar aquests nous avanços a la tv occitana.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari